شريف الدسوقي: زوجتي كانت عايشة معايا رغم الطلاق

كشف الفنان شريف الدسوقي معاناته مع زيجته الثانية وحياتهما معا بعد الطلاق.

وقال الدسوقي عبر برنامج “وشك مكشوف” المذاع على قناة "هي": "زوجتي التانية كانت ليها أهداف أخرى وكانت ليها طلبات كتير رغم أنها كانت متزوجة وليها أولاد كبار".

وأكد أنه كان السبب الرئيسي في زواجها الأول، معقبا: "كان عندها ظروف قاسية جدا وقفت جمبها واتجوزتها.. كان عندها تعب نفسي شديد ومعندهاش المقدرة أنها تواكب المصاريف".

وأضاف أنه اشترى لها شقة في الإسكندرية وتزوجها 8 أشهر، قائلا: "كانت بتطلب مني طلبات كتيرة.. اللي سبق ليها الزواج مش زي اللي متجوزتش قبل كده.. وهي كانت استغلالية جدا".

وفجر مفاجأة أنها كانت تعيش معه في منزله، على الرغم من رفع قضية طلاق عليه بالاتفاق مع ابن خالتها المحامي، "كانت عايشة معايا وهي رافعة عليا قضية".

شريف الدسوقي يستنجد من حشرة

وفي وقت لاحق، كشف الفنان شريف الدسوقي، تعرضه لمشكلة أصابت منزله بسبب الحسد، عقب أيام معدودة من إعلان الفنان أحمد العوضي تعاونه معه في عمل درامي.

وقال شريف الدسوقي عبر حسابه الرسمي على "فيسبوك"، اليوم الإثنين: "العين صابتني ورب العرش نجاني.. أنا وابني، وكنت حاسس بيها والله.. حشرة عجيبة تهاجم البيت عندي".

وأضاف الدسوقي: “جريت اتصل بالشركة الألمانية للقضاء على الحشرة، جالي المندوب لوحده ومعاه مكنة الرش، كانوا قالولي فى التليفون إن العبوة الواحدة تتكلف 1200جنيه وحسب ما تحتاج الشقة من عبوات، قلت ماشي”.

وتابع: "لما جه المندوب قبل ما يعمل أي حاجة، قالي معلش هزود التركيز والعبوة هتبقى 3600 جنيه، قلت ماشي برضو، لأني شخص مريض بالنضافة، واللّه".

وزاد الدسوقي: "هوب في خلال ساعتين رش اتكلفت عشر عبوات، كنت دافع 36 ألف جنيه عدًا ونقدًا، وعندي الفاتورة، ممكن أصورها لكم، واللّه، ارتاح ياللى باصصلي في أكل عيشي، لله الأمر من قبل ومن بعد".