ملخص "شباب امرأة" الحلقة الأولى.. هل تقع شفاعات في غرام يوسف عمر؟

شهدت أحداث مسلسل شباب امرأة الحلقة الأولى، التي عرضت مساء اليوم العديد من الأحداث المثيرة.

وبدأت أحداث مسلسل شباب امرأة الحلقة الأولى بمشهد كوميدي يجمع بين الفنان محمد محمود (حسبو)، وسيد (عمرو وهبة)، ودار الحوار بينهما كالتالي: 

حسبو: اتفضل.
سيد: وردة وجواب هو لسه في حد بيهادي حد وردة يا عم حسبو.
حسبو: النهاردة وبكرة وامبارح الورد يقدر يقول اللي ميقلوش البني آدم يا غشيم.
سيد: يا عم حسبو أبوس إيدك ركز معايا، ومتجننيش الشباب النهاردة بيهادو بموبيلات بسماعات 

حسبو: بيعملوا حركة كدا بالأجنبي الشاب ينزل ركبة ونص قدام البنت اللي بيحبها ويديها خاتم.
سيد: يعني أنت لما تنزل بركبة ونص قدامها هتبقى راجل!
حسبو: أه راجل نص يعني أنا هنزل على ركبة ونص مش هرقص على واحدة ونص عادي يعني.
سيد: خلاص روح لحد بقى يعملها شات ولاف ولايك وأعجبني ولا روح للعيال بتوع التوكتوك يقولوا لها كبس كبس جتكم نيلة تكبسكم.

أحداث مسلسل شباب امرأة الحلقة الأولى

وانتقلت أحداث مسلسل شباب امرأة الحلقة الأولى إلى صراع بين حامد معروف (محمود حافظ) وزوجته غالية (رانيا منصور)، ودار الحوار بينهما كالتالي:  

حامد معروف: اه اه اه ربع تمن العربية دي يحللي كل مشاكلي.
غالية: هوو أنت بتنق على أبويا يا حامد.
حامد معروف: ودا بيحوق فيه نق دا بسم الله ما شاء الله عليه عريس دا راكب العربية وبينه وبين المحل فردة كعب لزوم الوجاهة يعني.
غالية: ربنا يديله طول العمر ويسامحه على اللي عمله فيا.
حامد معروف: قصدك يسامحه على اللي عمله فيا.
غالية: عمل فيك وحش إيه إن شاء الله دا مقعدك في بيته وجوزك بنته وبيصرف عليك وعلى عيالك.
حامد معروف: مش أحفاده ولا أنا جيبهم له من السوبر ماركت.

مسلسل شباب امرأة الحلقة الأولى

وشهدت أحداث مسلسل شباب امرأة الحلقة 1، صراعًا بين شفاعات (غادة عبد الرازق) ومدبولي (طارق النهري)، وكان الحوار بينهما كالتالي:  

شفاعات: أنت ياخويا حاطط عينك على الشغل بتاعي اللي أنا كبرته بعد ما الحج سلامة الله يرحمه عايز تجوز فلوسك لفلوسي.
مدبولي: فرضنا إيه المشكلة.
شفاعات: المشكلة عندي أنا إني ست مبحبش أجوز فلوسي لفلوس حد ولو ياخويا على العرسان أنا عندي طوابير واقفة هات جردل أعبي لك شفاعات الخربوطلي يوم ما تقول يا جواز يبقى علشان نفسها علشان مزاجها علشان راجل عجبها وهي عجباه غير كدا ميلزمش.

أحداث مسلسل شباب امرأة الحلقة 1

كما شهدت أحداث مسلسل شباب امرأة الحلقة الأولى حوار شيق بين شفاعات (غادة عبد الرازق) وسيد (عمرو وهبة)، كالتالي: 

شفاعات: يعني اللفة دي كلها علشان عايز سلفة يعني جيباك من عند المعلم مدبولي ومرأياك علشان تيجي تشفطني حد قالك إن دا مال سايب؟
سيد: هو حد يجرؤ وبعدين هي اليومية هعمل بها إيه هجيب بها جوابات غرامية ولا ورد؟

شفاعات: يبقى قلت دي واحدة ست ومنكسرة أخش لها من ناحية العواطف والحنية لا يا حبيبي أنا عامله عملية وشايلة الحنية.
سيد: حمد لله على السلامة الحمد لله إن حضرتك شلتيها.

مواعيد وقنوات عرض مسلسل "شباب امرأة"

وأعلنت قناة "النهار" حصولها على الحقوق الحصرية لعرض مسلسل "شباب امرأة" خلال شهر رمضان.

ويذاع المسلسل في تمام الساعة السابعة مساء على قناة النهار، ضمن مسلسلات النصف الثاني من الشهر الفضيل.

يتميز المسلسل بكونه من الأعمال الدرامية القصيرة، حيث يتكون من 15 حلقة فقط، مما يجعله يقدم جرعة مكثفة من الأحداث المشوقة في فترة زمنية قصيرة.