عمرو محمود ياسين: أنا بحب ألعب مع الجمهور وأخلق الجدل

كشف المؤلف والسيناريست، عمرو محمود ياسين، كواليس مسلسل "وتقابل حبيب"، بطولة ياسيمن عبدالعزيز وكريم فهمي،  والذي سبق عرضه ضمن مسلسلات رمضان 2025.

وأشار المؤلف عمرو ياسين، خلال مداخلة هاتفية في برنامج "كلمة أخيرة" مع الإعلامية لميس الحديدي، والمذاع عبر قناة ON، إلى أن القلق سيطر على بطل العمل كريم فهمي بسبب مقارنة الجمهور المتوقعة مع شخصية "مراد السويفي" التي سبق تقديمها بمسلسل "ونحب تاني ليه؟".

وتابع: "كريم فهمي كان قلقان طول الوقت، وكان عايز فارس يطلع مختلف تمامًا ويتفوق على شخصية مراد، وأنا قلت له وقتها إن بينا تحدي، وإن فارس هيعدي مراد السويفي، بس لو حصل متزعلش من اللي هعمله معاك".

وأضاف المؤلف عمرو ياسين مازحًا: "كان كريم بيمتلك خوف غير مبرر، وماكنش عنده فيا ثقة بجنيه".

سر نجاح فارس أبو العزم

وعن سبب نجاح شخصية "فارس أبو العزم" بمسلسل "وتقابل حبيب"، قال: "فارس شخصية بتحبها من أول لحظة، ودمه خفيف، وبالمواقف الجادة بيكون راجل بجد ومش بيتأخر، وبيختار الصح، حتى لو دا ضد مصلحته، ودا السر اللي بيخليه محبوب".

شخصية جيدة

وأجاب ياسين على تساؤل الإعلامية لميس الحديدي حول شخصية فارس هل هي مثالية أكثر من اللازم؟، فأجاب قائلًا: "أنا شايف إن ده الطبيعي، المفروض الإنسان يكون كدا لو متربي في بيئة سليمة، وهي دي الفطرة، سواء كان راجل ولا ست، لازم البني آدم يبقى كده".

نهاية المسلسل

ونفى المؤلف عمرو محمود ياسين تغيير نهاية مسلسل “وتقابل حبيب”، مؤكدًا أن النهاية كانت محسومة من البداية: "محصلش تغيير، النهاية كانت موجودة من الأول، وكريم كان قلقان علشان الجمهور ممكن يرفض زواجه من طليقة شقيقه، بس هي كانت دي الحدوتة، وأنا بحب أخلق حالة جدل وألعب مع الجمهور كدا دايمًا".