ريم البارودي تكشف حقيقة معرفتها بمقالب رامز جلال

كشفت الفنانة ريم البارودي حقيقة معرفتها بمقالب رامز جلال ورفضها المشاركة ببرنامجه في موسم 2024 ببرنامج “رامز جاب من الآخر”.

وقالت ريم البارودي، خلال لقائها مع الإعلامي نزار الفارس ببرنامج “من قريب”: “رامز جلال طبعا البرامج متفق عليه بس في تريكات، أصل مش هاجي أديك بدجت دولار ويبقى دبل أو تربل عن اللي بتاخده في بلدك وتيكت طيران وكل الدلع ده وتيجي تمثل كانوا عملوا بقى مشاهد تمثيلية، لكن بيبقى في تريكات، وعلى ما اعتقد إن في حلقات لازم تبقى في ناس مش عارفين، ولكن هما اللي أقل ضررا اللي مش هيعملوا له ضرر”.

كنت عارفة

وتابعت ريم البارودي: “أنا كنت عارفة إنه رامز ولكن المعدة قالت لي عامل السنة دي قلت لها لا أنا بخاف من الحيوانات فقالت لا ده هو طالع بشخصه وهيلعب معكم عادي والمرة دي لعب قلت لها لا ده أنا جبانة وبخاف أصلا من الملاهي والعجل وهي مش قالت لي الحقيقة، وإحنا كزمايل وصحاب بنقول لبعض وأنا عرفت إن في ضيف آخر في الحلقة”.

اعتذار عن بطولة فيلم جديد

وفي وقت سابق، كشفت ريم البارودي خلال لقائها مع الإعلامي عمرو الليثي تلقيها عرضًا لبطولة فيلم جديد، إلا أنها اعتذرت عن المشاركة فيه بسبب انشغالها في الآونة الأخيرة بأمور شخصية، بالإضافة إلى عدم اتفاقها مع المخرج على بعض التفاصيل الفنية.

مصطفى شعبان يرفض التمثيل معها

وأشارت ريم البارودي إلى رغبتها السابقة في تجسيد شخصية الفنانة درة في مسلسل "العار"، إلا أن بطل العمل الفنان مصطفى شعبان رفض الأمر، دون توضيح الأسباب.