بعد إيقافه.. حمو بيكا: عمري ما أغلط في بلدي.. وأنا مش حمل أي حاجة

أعرب مؤدي المهرجانات حمو بيكا، عن استيائه وغضبه الشديد، بسبب قرار نقابة المهن الموسيقية برئاسة الفنان مصطفى كامل، بإيقافه وتحويله للتحقيق.

وقال بيكا، عبر حسابه الرسمي بموقع التواصل الاجتماعي "فيسبوك"، "الأغنية قلتها عادي وعمري ما أغلط وكنت بخدم في جيشي، ولو أعرف إن فيها ضرر أو غلط، عمري ما هنطقها، دي أغنية متداولة على يوتيوب وكل المطربين الشعبي بيغنوها، بس لما جيت غنتها الدنيا اتقلبت عليا".

 عمري ما أغلط في بلدي

وتابع: "لازم أوضح الرسالة دي عمري ما أقدر أغلط في بلدي، وفي أي حفلة بأي بلد برفع علم مصر على كتافي وببقى فخور، لو أعرف وغلاوة بنتي تاني عمري ما كنت هغنيها مش بقول كده عشان أرجع شغلي، رجعت مرجعتش طالع بقول إن عمري ما أغلط في بلدي".

مش بعرف لا أقرأ ولا أكتب

واختتم: "عملتوا حاجات كبيرة أنا مش قدها، آه مش بعرف لا أقرأ ولا أكتب بس بسمع اللي بيتقال، ليه تكبروا المواضيع معايا أنا بالذات، أنا مش حمل أي حاجة ولو أي حاجة هتبعدني عن بيتي وبنتي مش عايزها نهائي خالص، وياريت اللي بيكتب بلاش توصل الكتابة في حتة مش بتاعتنا، نخدم بلدنا برقبتنا".

قرار نقابة الموسيقيين

وفي وقت سابق، قررت نقابة المهن الموسيقية إيقاف حمو بيكا لحين انتهاء التحقيق معه.

وأوضحت النقابة، في بيان لها، أن الفيديو المتداول أثار استياء نقيب الموسيقيين وأعضاء مجلس الإدارة، مما استدعى عقد اجتماع عاجل للبحث في الموقف واتخاذ القرار المناسب.

انتقادات واسعة 

كان حمو بيكا قد تعرض لانتقادات واسعة بعد انتشار مقطع مصور قديم له أدى فيه الموال الذي أثار الجدل، حيث اعتبره البعض غير لائق وغير مسؤول.

ورغم أن المطرب رضا البحراوي قد أدى نفس الموال، إلا أن بيكا كان هو من تعرض للانتقادات الأكثر حدة.