والد ضحية نجل محمد رمضان يكشف تفاصيل جديدة في الواقعة

علّق الفنان محمد رمضان، على أزمة خلاف نجله مع آخرين، مؤكدًا أن الواقعة لا تتعدى كونها خلافًا بين أطفال داخل نادٍ، وأن ابنه كان جالسًا بهدوء مع شقيقته حين اقتربت منه مجموعة أطفال ووجّهوا له عبارات عنصرية “إنت أسود زي أبوك” واتهامات طبقية، قال إنها على الأرجح صادرة من ذويهم.

وأضاف رمضان، عبر صفحته على “فيسبوك” أن تدخله جاء لاحتواء الموقف وتهدئة الأطفال، وهو ما وثقته كاميرات النادي وشاهده أفراد الأمن والمدربون.

رد والد ضحية نجل محمد رمضان

من جانبه، رد محمد سالم، والد الطفل الضحية، قائلًا: "أنا أساسًا ابني أسمر، فيعني حاجة تضحك، ده مش طبعنا وإحنا مش متربيين على كده، طب ما دام الكلام كده، ما اتقالش الكلام ده من ستة أشهر ولا سبعة ليه؟ إحنا مش أسرة متابعة للفن ولا حاجة، إحنا بسطاء، يعني الكلام كله مش صحيح طبعًا".

وتابع والد الطفل: "النهاردة فيه فيديوهات بتوري السلوك بتاع الأب وابنه، متهيأ لي إنه بيحاول يستدر التعاطف والكلام ده، بدليل إنه ما قالش الكلام ده من بدري".

وقال: “ابني عنده 11 سنة، هيجيب الكلام ده منين؟ الكلام ده ما حصلش، ومجرد محاولة للتأثير على الرأي العام، ولو الكلام ده حصل، طب ليه ما اتقالش قبل كده؟ ولو هو متضرر، ليه ما طلعش واتكلم من بدري؟ النهاردة لو أنا اتضررت من حاجة، أقعد ساكت كل ده؟ لا، أنا ابني لونه أسمر، وإحنا زيه زي بقية المصريين، ومش بنربي أولادنا على كده”.

واختتم محمد سالم تصريحه قائلًا: “أنا لا بسمع أغانيه، ولا بتابع فنه، أنا راجل عندي خمسين سنة، وابني ولا هو ولا حد من أصحابه قالوا الكلام ده، وما دام هو كان متضرر كده، ليه فضل سبع شهور رافض يتواصل لا هو ولا المحامي بتاعه، دي محاولة لاستدرار التعاطف وبس”.

وكانت محكمة الطفل، المنعقدة في مدينة 6 أكتوبر بالجيزة، قررت في وقت سابق إيداع "علي" نجل الفنان محمد رمضان، داخل إحدى دور الرعاية، على خلفية اتهامه بالاعتداء بالضرب على طفل داخل نادٍ شهير بمنطقة “نيو جيزة”.