ملك زاهر تكشف سبب تعرضها لأزمة صحية

خرجت الفنانة ملك أحمد زاهر لطمئن جمهورها عليها، وذلك بعد تعرضها لأزمة صحية مفاجئة، كاشفة السبب الذي جعلها تدخل المستشفى لبضعة أيام.

تفاصيل مرض ملك أحمد زاهر

وكتبت ملك أحمد زاهر عبر حسابها على منصة “إنستجرام”: “أنا والله ما كنت متوقعة كل اللي حاصل ده أنا لما حبيت أشارك حالتي الصحية، كنت مخضوضة جدًا على نفسي وفكرة إن لا أنا ولا الدكاترة حتى عارفين عندي إيه، كانت رعباني، وكنت محتاجة بس أوصلكم إن حياتي فيها الحلو وفيها الوحش، وقلت في الستوري إن الموضوع مش الغرض منه القلق، وإني مش عايزة حد يقلق عليا أنا كويسة، وكده كده أحسن من غيري”.

وتابعت ملك زاهر: “عندي يقين في ربنا أنه هايقومني بالسلامة، وإن شاء الله تبقى حاجة بسيطة بس من خضتي كتبت مع أن ديه مش طبيعتي إني أشارك الحاجات السلبية عموما أنا بس مش عارفة أقول إيه ولا إيه من قلبي بشكر كل حد سأل عليا ودعالي واللهِ كله كان بيوصلني، وأنا أسفة لو مردتش على حد وبشكر كل زمايلي وأساتذتي اللي كانوا بيسألوا عليا كل يوم ومسابونيش لحظة وكل صحابي وعيلتي اللي كانوا جمبي”.

خروج ملك أحمد زاهر من المستشفى.. ووالدتها: "حمد لله على سلامتك"

نقل ملك زاهر للمستشفى بعد تعرضها لأزمة صحية مفاجئة

حساسية في الدم

وبعد التحاليل التي قامت بها ملك زاهر لتعرف نوع المرض الذي أصابها، اكتشفت أنها حساسية شديدة في الدم، حيث استكملت حديثها قائلة: “أنا الحمد لله بقيت أحسن من الأول وبطلت أروح المستشفى الحمد لله بحمد ربنا إنها جت على قد كده حتى لو الأيام اللي فاتت كانت صعبة واللي عندي ده حاجة مخيفة شوية، وخضتنا بس برضو أنا كويسة والحمد لله إنها جت على قد كده أكيد ربنا حماني من حاجة أكبر، وأهم حاجة إن عرف السبب بَطل العجب، والحمد لله إننا عرفنا، هي حساسية شديدة فالدم الموضوع critical”.

واختتمت زاهر شاكرة جمهورها: “بس أنا مطمنة أنا بخف وبتحسن كل يوم الحمد لله والشكر الله ومافيش حاجة خطيرة بإذن الله وأنا أسفة لو كنت قلقتكم بس ده مكانش الغرض أبدا والله، شكرا من كل قلبي على الحب ده أنا عرفت غلاوتي عندكم وعند كل اللي حواليا بشكركم من قلبي”.

ماذا حدث لملك أحمد زاهر؟

وفي وقت سابق، نشرت ملك زاهر صورة وهي بالمستشفى، معلقة عليها بقولها: “أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار وبتبقي بيني وبين صحابي".

تعبانة وحياتي مش وردي

وتابعت ملك زاهر: “الفترة الأخيرة بيجي لي كومنتات كلها أنتي عايشة ومبسوطة وإحنا مش عايشين وإيه كل اللي انتي فيه ده.. حبيت أقول لهم إن الحياة مش وردي أنا بقالي 3 أيام تعبانة وعندي حاجة لحد دلوقتي مش فاهمين سببها رغم إني قبلها بنص ساعة كنت زي الفل ومن ساعتها مش عارفة أنزل أو حد يشوفني”.