"مش هرد إساءة بإساءة".. أسما شريف منير تعلق على منتقديها

علقت الإعلامية أسما شريف منير ابنة الفنان شريف منير مجددا على الهجوم عليها بسبب زواجها للمرة الثالثة في الآونة الأخيرة.

ونشرت أسما شريف منير عبر حسابها الرسمي على موقع “إنستجرام” صورا لها معلقة عليها: "لكل شخص شتمني، تنمّر عليّا، أو أساء الظن بيّا، أنا مش بزعل، ومش باخدها على قلبي… مش لأني ما بحسّش، لكن لأني تعلّمت إن القلوب اللي فيها نور، بتعفو، وبتعدي، لأن ربنا قال: “والكاظمين الغيظ والعافين عن الناس والله يحب المحسنين”.

رسالة للظلم

وتابعت: “أنا اخترت أبقى من الناس اللي ربنا يحبها، مش هرد إساءة بإساءة، ولا كلمة بكلمة، ربنا أمرنا نكون أرقى، حتى قدام الظلم: “ولا تستوي الحسنة ولا السيئة، ادفع بالتي هي أحسن”، واللي بيني وبين ربنا عمره ما كان محتاج شهادة من بشر، واللي بيظن السوء، ربنا قال عنه: “يا أيها الذين آمنوا اجتنبوا كثيرًا من الظن، إن بعض الظن إثم”.

واضافت: "أنا مسامحة من قلبي، مش ضعف… لكن قوة إني ما أخليش الحقد والزعل يسكن في قلبي، وسايبة كل حاجة لربنا…لأنه قال: “فمن عفا وأصلح فأجره على الله”.

رسالة أمل

وتابعت: أنا عندي رسالة أمل، وبدعي من قلبي إن ربنا يكرم كل ست، ويشجعها تتجوز وتبدأ من جديد من غير ما تخاف من المجتمع، ولا من نظرات الناس اللي كده كده الناس بتصطاد الأخطاء، ربنا يعفينا منهم، ولا من الكلام اللي بيقول: “مريضة”، “مستفزة”، “بجحة”، وكلام كتير مالوش لازمة، كله اتبدل بحسنات، ربنا هو اللي بيختار ويعوض.. مش الناس.

رحلة تأمل ويقين.. أسما شريف منير تكشف زواجها (صور)

هاجمت الشعراوي.. تصريحات أثارت الجدل لـ أسما شريف منير

راقص معاصر.. من هو خطيب أسما شريف منير؟

بعد ارتباطها.. رجال في حياة أسما شريف منير