"أعمل اللي يعجبني وأنا حرة".. ابنة مفيدة شيحة ترد على منتقديها

قبل ساعات من بدأ حفل زفافها، خرجت منة الشاطر، ابنة الإعلامية مفيدة شيحة للرد على منتقديها بعد نشرها صورًا من حنتها استعدادًا لحفل زفافها، حيث اعتقد البعض أنها تزوجت مرتين وانهالت عليها التعليقات السلبية.

زواج ابنة مفيدة شيحة

ونشرت منة الشاطر مقطع فيديو لها عبر حسابها الشخصي على منصة “إنستجرام” قالت فيه: “نظرًا إن أنا مش عايزة وجع دماغ وعايزة إننا كلنا نبقي صحاب وحبايب وبلاش خناقات الكومنتات دي اللي ملهاش أي معنى.. أيوا أنا اتكتب كتابي السنة اللي فاتت في نفس الوقت ده وآه هو عدى مدة طويلة أوي سنة تقريبًا”.

وتابعت الشاطر: “بس السنة دي حصل فيها حاجات كتير أوي علشان الفرح ده يتأجل من ضمنهم إني أتأخرت في دراستي وأن جدتي توفيت فكان لازم إن حاجات كتير أوي تتأجل ثم إيه المشكلة لما أتجوز على سنتين تلاتة أنا حرة وأعمل اللي يعجبني”.

رد منة الشاطر على منتقديها

وأضافت منة الشاطر: “انتوا دوركم إنكم يا تبقوا مبسوطين يا متبقوش مبسوطين ومتتفرجوش علشان عايزة الكومنتات بتاعت اليومين الجايين تبقي يا إما فيها خير يا إما مش موجودة مفيش أوبشن تالت”.

واختتمت بالرد على شائعة زواجها للمرة الثانية قائلة: “إيه موضوع إني اتجوزت مرتين ده؟ أنا متجوزتش مرتين هو ده كان كتب كتاب وإن شاء الله هيبقى في فرح يعني أنا ولا اتجوزت قبل كدا ولا دي تاني جوازة ليا.. أنا هتجوز مرة واحدة إن شاء الله وهتبقى جوازة العمر ومش هتجوز تاني”.

إطلالة بيضاء.. الصور الأولى من "حنة" ابنة الإعلامية مفيدة شيحة

تعرض ابنة مفيدة شيحة لوعكة صحية

حفل زفاف منة الشاطر

ومن المقرر أن تحتفل منة الشاطر، ابنة مفيدة شيحة بحفل زفافها اليوم بأحد الفنادق الكبرى بالقاهرة، بعد احتفالها مؤخرًا بحنتها وسط عائلتها وعدد من أصدقاء والدتها الإعلاميات كان أبرزهم الإعلامية بوسي شلبي.

عقد قران ابنة مفيدة شيحة

وفي يونيو الماضي، احتفلت شيحة، بعقد قران ابنتها منة الشاطر، داخل قلعة صلاح الدين الأيوبي في القاهرة.

وحرص العديد من المشاهير على حضور عقد قران ابنة مفيدة شيحة، على عريسها أحمد بحر، ومن بينهم الإعلامية سهير جودة، والإعلامية بوسي شلبي.