مسلم يعتذر لـ مصطفى كامل: "أنا زي ابنك"

قدّم مطرب المهرجانات الشعبية مسلم اعتذارًا رسميًا إلى نقابة المهن الموسيقية، وعلى رأسهم النقيب الفنان مصطفى كامل، بعد اتهامه للنقابة بمراعاة ظروفه الصحية ووقفه عن الغناء دون استدعائه.

وقال مسلم في فيديو نشره عبر حسابه على "إنستجرام": "مساء الخير، ازيكم كلكم اللي بتتابعوني وبتحبوني، أنا من خلال الفيديو ده بقدم اعتذاري للنقابة كلها".

كما وجه اعتذارًا خاصًا للنقيب مصطفى كامل قائلًا: "مش عايزك تزعل مني لو كنت دعيت عليك أو حاجة، ده كان بسبب إني شاب لوحدي، وغصب عني مقدرتش أتحمل تعبي".

وأضاف: "كان صعب عليّ نفسي لما ملقيتش حد يسأل عني في فترة تعبي بسبب توقفي عن العمل".

وتابع: "كان أقل طموحي إني أشتغل زي أي زميل، وزعلت جدًا لما قعدت وبيتي اتخرب بسبب التوقف، وحياتي كلها وقعت بسبب عدم الشغل."

واستكمل: "أنا بعتذر للنقابة كلها، خصوصًا أستاذ حلمي عبدالباقي، وأستاذ أحمد أبو المجد وكل الناس الكويسة".

مسلم خاطب مصطفى كامل قائلًا: "أنا بعتذر لك، أنا زي ابنك، وأتمنى تقبل اعتذاري، حتى لو مش هشتغل، بس على الأقل أكون اعتذرت لكم عشان مايبقاش حد زعلان مني. ما غلطتش في حد، وكل اللي قولته حسبي الله ونعم الوكيل."

وأضاف: "دلوقتي أنا بعتذر لكم، وأنتم أخواتي الكبار، والنقابة بيتي. أستاذ مصطفى كامل من ساعة ما تولى النقابة وهي متطورة جدًا، وعمره ما ظلم حد".

بعد الإساءة للنقيب.. حقيقة اتخاذ إجراء قانوني ضد مسلم (خاص)

مسلم: “والله مش مسامحك يا مصطفى كامل”

أزمة مسلم مع نقابة المهن الموسيقية

في وقت سابق، أعلن مسلم عن معاناته من انسداد في الشرايين، مؤكداً أن وضعه الصحي يرجع إلى قرار النقابة بإيقافه عن العمل.

وقال في منشور عبر "فيسبوك": "سبحان الله، الصبح اتسد لي شريان في القلب، وبالليل أنا ومراتي بنموت، حرفيًا شُفت الموت، وكل دا بسبب ظلم ناس معينين، وأنتم عارفينهم"