أنغام تبكي على الهواء بسبب شيرين عبد الوهاب: كفاية حقد وكره

خرجت الفنانة أنغام، عن صمتها لترد على الشائعات التي طالتها بسبب حملة الهجوم التي تعرضت لها الفنانة شيرين عبد الوهاب، في مهرجان موازين بدولة المغرب.

تعليق أنغام على حملة الهجوم على شيرين

وقالت أنغام، في مداخلة هاتفية عبر برنامج “كلمة أخيرة” التي تقدمه الإعلامية لميس الحديدي: “فيه مواقع بتكتب اسمي وناس بيبعتوا لي شتايم إن أنا اللي ورا حملة الهجوم على شيرين عبد الوهاب بعد حفلها في المغرب، الموضوع بقى غير محتمل.. لو شيرين على المسرح وبتتهاجم.. أنا مالي وإيه علاقتي؟”.

عيب اللي بتقولوه

واستكملت أنغام حديثها باكية: “مينفعش نوصل إننا بنوجه الرأي العام كله ونطلع أنغام شخص شيطان وبيشن حملات على زمايله، أنا مش بتهم شيرين إن هي اللي قالت ده، لكن بعض الناس هما اللي بيقولوا الكلام ده وده ظلم وعيب وحرام، عيب الضغينة اللي بتزرعوها بيننا”.

وشددت أنغام: “أي شخص هيتمادى ويغلط ويذكر اسمي مش هسكت تاني علشان أنا تعبت، كفاية كدا حرام وعيب الظلم ده كتير، وكفاية حقد وكره وسيبوني في حالي محدش له دعوة بنواياي، أنا نيتي بتحاسب بيها عند ربنا.. سيبوني لربنا إنما ظلم كتير كدا عليا”.

تعرض أنغام لوعكة صحية

وفي سياق آخر كانت أنغام، قد تعرضت لأزمة صحية في الأيام القليلة الماضية، أدت إلى دخولها المستشفى، حيث قالت: “أنا تعبانة في المستشفى ومعرفتش حد”.

وتابعت: “حاجة طارئة حصلت من أسبوع ومحبتش أخض حد عليا ومكنتش قادرة أستقبل زيارات أو أرد على حد”.

حفل أنغام في لندن

وفي سياق منفصل تستعد الفنانة أنغام، لإحياء حفل غنائي، يوم 23 سبتمبر المقبل، على خشبة مسرح البرت هول في لندن.