توقع حريق سنترال رمسيس.. مبارك يكشف خطة خبيثة للتجسس على اتصالات مصر

تزامنًا مع حريق سنترال رمسيس، تداول رواد مواقع التواصل الاجتماعي مقطع فيديو للرئيس المصري الراحل حسني مبارك، تحدث فيه حول ما وصفه بكشفه لمخطط أمريكي يتمحور حول شل حركة مصر عبر توصيل جميع مراكز الاتصال بسنترال رمسيس للسيطرة عليه.

مبارك يكشف مخطط حريق سنترال رمسيس

وتداول مستخدمو مواقع التواصل مقطع فيديو للرئيس الراحل حسني مبارك بعنوان “مبارك يكشف مخطط حريق سنترال رمسيس، ورغبة أمريكا في شل منظومة الاتصالات في مصر بين عامي 2006 و2007”، والذي كشف فيه مبارك حسب حديثه أن أمريكا حاولت ربط جميع الأنظمة الاتصالية بسنترال رمسيس والتحكم فيه، أو في إذاعة FM مقابل 270 مليون دولار.

ووفق ما جاء في المقطع المتداول، فإن مبارك أكد اكتشافه لهذه الخطة الأمريكية لكنه في المقابل رفض بشكل قاطع ما قُدم له من عروض.

وقال مبارك خلال المقطع: "في الآخر كانوا عايزين يعملوا لنا شبكة إلكترونية على النظام الفيدرالي، طبعًا علشان الشاشة تكون في إسرائيل وأمريكا، قلت لهم لا وقولت  لوزير الدفاع "زحلقهم" مفيش حاجة من دي هتحصل أبدًا".

وأضاف: “رجعوا بعد كده تاني لوزير الاتصالات وكانوا عايزين يوصّلوا كل سنترالات القاهرة بسنترال رمسيس، قولتلهم ده معناه هيشلوا الاتصالات كلها، لأن لو انت في الجيزة وعايز تطلب مصر الجديدة يبقا عن طريق رمسيس، ولو عاوز تطلب مكالمة هاتفية يبقا عن طريق رمسيس، يعني لو وقف رمسيس وقف الاتصالات كلها”.

وتابع: "ناديت وزير الاتصالات قولتله إيه الحكاية دي، قال  الأمريكان هيعملوا ده ببلاش، قولتله أوعى، ببلاش إيه، قالي دول وصلوا الجيزة، قولتله كفاية عليهم الجيزة، بس وبهدوء كده وزحلقهم".

وأردف: “وزحلقناهم ورجعوا بعد كده آخر 2006 و2007 عاوزين تردد FM ياخدوه، فراحو لوزير الإعلام قالهم القانون ميسمحش، فجالي السفير الأمريكاني قالي يا أخي ما تديهم التردد ده أحسن حاجزين 270 ميلون دولار علشانه، قولتله خليهم عندكم مش عاوزهم”.

حسني مبارك وطنطاوي

وقد انتشر المقطع على نطاق واسع عبر منصات التواصل، وأشاد الرواد بموقف كل من الرئيس الراحل حسني مبارك، والمشير طنطاوي من كشف المخطط الأمريكي.

وعلق أحد الحسابات على الفيديو المتداول وكتب: “ما تنساش تدعي للمشير طنطاوي ولحسني مبارك، ربنا يرحمهم هم الاتنين، لأنهم فطنوا مبكرًا للعبة أمريكا القذرة اللي حاولت تنصب من خلالها فخ لمصر تحت مسمى منحة تطوير لربط جميع سنترالات مصر من خلال شبكة واحدة”.

وأضاف: “وبعد تنفيذ ربط سنترال رمسيس بسنترال واحد، ومع أول تجربة الجيش اعترض ووقف المشروع، وأمريكا كانت مستعجلة على تنفيذ المشروع وبتضغط على مبارك لسرعة التنفيذ".

وتابع: "ساعتها مبارك قعد مع طنطاوي وسأله عن سبب توقف المشروع، رد طنطاوي وقال له إن تنفيذ المشروع ده خطر جدًا على مصر، لأن لو تم الربط بين كل سنترالات الجمهورية فأي اختراق لأي سنترال أو أي عطل أو هجوم على أي سنترال هيؤدي إلى قطع الاتصال بالكامل بين كل محافظات مصر”.

وكتب آخر في تعليقه: “اللي حصل في حريق سنترال رمسيس مش مجرد ماس كهربائي ولا شوية دخان، لأن المكان ده مش سنترال عادي، ده حرفيًا قلب الشبكة في مصر، واللي بيعرف شبكات كويس عارف إن أي بلد عندها Nodes رئيسية اسمها Core Nodes، بتبقى زي الشرايين اللي بتمر فيها كل أنواع الترافيك، سواء مكالمات أو إنترنت أو بيانات بنوك أو حتى إشارات الطوارئ”.

حريق سنترال رمسيس

واندلع حريق، أمس الإثنين داخل مبنى سنترال رمسيس، أدى إلى شل حركة الطائرات، والاتصالات، وكذلك أرقام الطوارئ والتعاملات البنكية، ونجم عن الحريق 4 حالات وفيات، وحصيلة إصابات وصلت إلى 27 مصابًا.

وأكد الجهاز القومي لتنظيم الاتصالات أن الحريق نشب في غرفة الأجهزة بالطابق السابع والتي أدت إلى تعطل بعض الكابلات الرئيسية والحيوية.

وأضاف الجهاز أن الأولوية العاجلة لاستعادة الخدمات تدريجيًا خلال الساعات المقبلة.