"ابننا محترم ومش بلطجي".. أول ظهور لأسرة شهاب صاحب ترند "أرض الجمعية" (فيديو)

ظهر أفراد أسرة الشاب شهاب، صاحب ترند أرض الجمعية، الذي أثار ضجة كبيرة خلال الأيام الماضية بعد اصطدامه بسيارة bmw على طريق الأوتوستراد، في بث مباشر عبر ”تليجراف مصر"، والذين دافعوا عنه معتبرين أنه تعرض لاستفزازات من قائد السيارة. 

خال شهاب: ابننا متربي ومش بلطجي 

وقال خال شهاب، في أول ظهور له مع “تليجراف مصر”، إن المتهم وحيد والديه، وليس بلطجيا، مضيفًا: “يعني هو لو بلطجي دي هتبقى شقته ودي هتكون عيشته، وبعدين هو كان ماشي في طريقه مش عكس الاتجاه زي ما الناس قالت، وبعد الحادثة كان نازل يركن التوك توك علشان يشوف اللي حصل، وصاحب العربية غلط فيه وهانه”.

وأضاف أن الفيديو الذي تم تصويره أظهر خلاله رد فعل شهاب فقط، ولم يظهر الإهانة التي تعرض لها، متابعًا: “لما شهاب غلط في الراجل، كان الراجل هو اللي غلطان في والدة شهاب الأول بس هما مسحوا الغلط ده من الفيديو”.

علشان غلبان اتفرم في وسط الناس  

وأكمل خال شهاب: “هو لم يخطئ، والمفروض إذا كان غلطان يتم عقابه، وإن كان مظلوم يبقى حقه يجيله، لكن شهاب غلبان وعلشان كده اتفرم، ورد فعل شهاب والألفاظ الخارجة والأصوات التي صدرت منه، هي عبارة عن غلط، ولكن الغلط كان أساسه من صاحب السيارة”.

التوك توك مش بتاعه 

وأوضح خال شهاب أن التوك توك الذي كان يقوده ليس ملكه وإنما يعمل عليه باليومية لتلبية مصاريف واحتياجات أهله، مضيفًا: “أحب أقول لصاحب العربية اتقي الله، وحط نفسك مكان شهاب، ده واحد من عيالك أو قرايبك مش هترضى إنه يتعمل فيه كده، وكمان شهاب كان ماشي أقصى الشمال والعربية كانت وراه، وده يأكد إن صاحب العربية هو اللي خبطه، والموضوع أخد حجم مش حجمه، والناس افتكرت إن الجرح اللي وش شهاب ده علشان هو بلطجي، لكن دي حادثة قديمة بالتوك توك”.

حاولنا نتصالح مع صاحب العربية 

وأكد أنهم تواصلوا مع صاحب السيارة لمحاولة الصلح والتنازل عن المحضر، وفي أول اتصال قال لهم إنه تنازل عن حقه، وبعدها علموا بأنه لم يتنازل وحاولوا التواصل معه مرة أخرى لكنه لم يجب على اتصالاتهم.