بسمة وهبة لـ شاليمار شربتلي: "دخلتي المجوهرات مصر إزاي؟"

دافعت الإعلامية بسمة وهبة عن المخرج عمر زهران، بسبب أزمته الأخيرة وحبسه لاتهامه بسرقة مجوهرات ثمينة من الفنانة التشكيلية شاليمار شربتلي زوجة المخرج خالد يوسف.

وقالت بسمة وهبة، في مقطع فيديو لها عبر حسابها الرسمي على “إنستجرام” “أنا تعبانة، أنا مش عارفة أنام، لإن إحساس إن في حد مظلوم وممكن يتحبس صعب، وكان أستاذي وبيعلمني، واللي علمك، وابتديت معاه أول حلقة في حياتي، إنه نازل والكلبشات في إيديه، إيه الغل اللي ممكن يكون جوا البني آدم، يخليه يعمل في حد كدا”.

عمر مات خلاص

وأضافت "إذا في حد عايز عمر يموت فعمر مات خلاص، عمر مات من جواه، وأنا مبعرفش استحمل الظلم على حد وعمر زهران أنبل انسان في الدنيا، ودخل بيوت ناس كتيرة، مش عرب بس ومصريين كمان شرفاء محترمين أغنياء وعندهم مجوهرات وعندهم فلوس،  والفنانة الراحلة سهير البابلي كان جوزها جواهرجي، وكانت ما شاء الله حبيبتي بتلبس ألماظات كتيرة، اشمعنا أنتِ اللي هيسرقك، لي تعملي فيه كدا، ما تسيبيه في حاله، وتحلي مشاكلك بعيد عنه، بلاش الانتقام دا الانتقام دا وحش جدا".

تهريب أم سرقة؟

وأكملت وهبة “دخلتي المجوهرات مصر إزاي، حضرتك أثبتيهم على الباسبور، أي أجنبي ملوش إلا 10 آلاف دولار، ولو معاكي حاجة زي كدا تثبتيها على الباسبور، حضرتك أثبتيها يا فندم، ولا دا يعتبر تهريب، ثانيا بلغتي عن المسروقات ومنزلة لينا صور من على النت طيب ما تجيبي لنا صورك كدا وأنتِ لبساها”.

وأردفت "وبعدين حضرتك مدياله مفتاح البيت، وإحنا عمرنا ما ندي مفتاح لحد إلا لما نكون واثقين فيه ومرينا بتجارب معاه خلتنا نثق فيه أي اللي خلى اليومين دول تحصل القلبة دي".

حبس عمر زهران 

يذكر أن محكمة الجنح قررت تأجيل أولى جلسات محاكمة المخرج عمر زهران، في اتهامه بالاستيلاء على مشغولات ثمينة لشاليمار شربتلي، لجلسة 3 ديسمبر الجاري.

وقررت السلطات حبس المخرج زهران 4 أيام على ذمة التحقيقات بالقضية.

حبس عمر زهران .. ما القصة؟

وتعود قضية المخرج عمر زهران إلى عام ونصف العام، عقب ما تقدمت شاليمار شربتلي زوجة المخرج خالد يوسف ببلاغ إلى قسم شرطة الجيزة، بسرقة عدة  مجوهرات ذهبية ثمينة من شقتها، مما أحدث ضجة كبيرة في الوسط الفني.