السيسي يصدق على قانون للبحث عن الغاز والزيت الخام

صدق الرئيس عبدالفتاح السيسي، على قانون بالترخيص لوزير البترول والثروة المعدنية في التعاقد مع الشركة المصرية القابضة للغازات الطبيعية وشركة دانا غاز إيجيبت ليمتد للبحث عن الغاز والزيت الخام واستغلالهما فى منطقة نيو المنزلة بدلتا النيل.

عفو رئاسي

وأصدر الرئيس السيسي، قرارًا جمهوريًا، أمس، بالعفو الرئاسي عن أربعة وخمسين من المحكوم عليهم من أبناء سيناء.

وقال المتحدث الرسمي باسم رئاسة الجمهورية السفير محمد الشناوي، إن قرار الرئيس يأتي إعمالًا لصلاحياته الدستورية واستجابةً لطلب نواب ومشايخ وعواقل رفح والشيخ زويد بمحافظة شمال سيناء، وتقديرًا للدور التاريخي لأبناء سيناء في جهود مكافحة الإرهاب وتحقيق التنمية والاستقرار، وكذا في إطار اهتمام الرئيس بالظروف الإنسانية للمحكوم عليهم في القضايا المختلفة.

وكان الرئيس السيسي وجه عدة رسائل للشعب المصري في فيديو بعنوان “الثالوث الأبدي، الأرض، الشعب، الجيش”.

إسقاط الدولة

وقال الرئيس في الفيديو: "من فضلكم أرجو أن تنتبهوا لكل كلمة هقولهالكم دلوقتي، الهدف كله من اللي بيتعمل ده إسقاط الدولة المصرية وهم في استراتيجيتهم اللي شغالين بيها عارفين كويس أوي إن تماسك الدولة وتماسك المصريين لابد من كسره".

وتابع السيسي: “أنا بقول للمصريين إن التماسك اللي بينكم ده بين الشعب المصري كله المسلمين والمسيحيين لازم يتكسر، هو ده الهدف اللي بيتعملكم”، مضيفا: “الاستراتيجية اللي هما حاطينها بيقولوا إن مصر إذا سقطت سادت الفوضى في العالم كله”.

الوضع في سوريا

وواصل: “خلوا بالكم مهمتهم في سوريا خلصت هما دمروا سوريا خلاص، وعشان كده كل الجهود بتبذل لضرب الاقتصاد المصري والسلام الاجتماعي في مصر”.

وأوضح: "في جهد كبير بيتعمل لحماية شعبنا وحماية أرضنا، وبقول تاني وأرجو إن الرسالة دي تبقى واضحة للجميع نحن لن نتردد في حماية شعبنا من الشر ده".

وشدد الرئيس السيسي: “إحنا بنحافظ على شعبنا وبنحافظ على الأمن القومي المصري واللي هيقرب من أمننا إحنا هنتصدى له كما ينبغي”، مضيفًا: “مرة تانية بقول للمصريين اوعوا وانتبهوا وحافظوا على تماسككم.. أعاننا الله سبحانه وتعالى على اللي إحنا فيه ووفقنا وحمانا”.