شهيرة لمنتقدي مي فاروق: هتتشدوا من لسانكم على النار

علقت الفنانة المعتزلة شهيرة، على الهجوم والانتقادات التي طالت المطربة مي فاروق بسبب احتفالها بزواجها من الفنان محمد العمروسي في حفل زفاف حضره ابنيها وبعض نجوم الفن.

رد شهيرة على المنتقدين

وكتبت شهيرة عبر حسابها الشخصي على موقع التواصل الاجتماعي “فيسبوك” قائلة: “السلام عليكم ورحمة الله وبركاته بلقي السلام عليكم في الأول لإن نفسي يبقى في بيننا سلام أيوة سلام نفسي بين الناس وبعضها وبين الناس المتنمرين والشتامين للفنانين بالأخص هو أنتم ايه مشكلتكم؟ تطاول عمال على بطال ودون سبب؟ والتدخل في حياتنا الشخصية دون وجه حق".

وأضافت: "نفسي من فترة طويلة أتكلم في الموضوع إلى أن وجدت الفرصة الذهبية اللي حمستني واستفزتني وهو فرح الجميلة مي فاروق إيه الجرم اللي عملته عشان عايزة تفرح هي وعريسها مالكم أنتم تعمل فرح ولا متعملش ولادها فرحانين ولا مش فرحانين مالكم أنتم أوصياء عليهم”.

هتتشدوا من لسانكم على النار

وتابعت شهيرة: “هو أنتم عايزين تلطشوا فينا عشان نفسيتكم تستريح طيب ما تروحوا لدكتور نفسي يريحكم وهيلاقي حل أكيد لكمية الحقد والغل والسواد اللي مالي قلوبكم طيب أنتوا بتقولوا إحنا مابنخافش من ربنا ماشي خافوا أنتم منه واتقوا الله في لسانكم هتعملوا إيه يوم الحساب ياللي بتعرفوا ربنا طيب الحديث اللي بيقول؛ هل يكب الناس في النار على وجوههم إلا حصائد ألسنتهم، إيه موقفكم من الكلام ده ياللي بتعرفوا ربنا هتتشدوا كده من لسانكم على النار بسبب تطاولكم وجرحكم لناس معملوش حاجة غير أنهم اتجوزوا على سنة الله ورسوله”.

زواج مي فاروق ومحمد العمروسي

يذكر أن الفنانة مي فاروق قد احتفلت بمناسبة زواجها من الفنان محمد العمروسي وسط حضور نخبة من الأهل والأصدقاء ونجوم الفن والغناء، وتعرضت لانتقادات من قبل بعض رواد مواقع التواصل الاجتماعي، حيث استنكر البعض ارتدائها فستان زفاف في ظل حضور ابنيها للحفل، حيث زعموا أن هذا الأمر يجرح مشاعرهما.