منة عرفة تعتذر لـ إلهام شاهين بعد عامين من أزمة الأحضان والقبلات

وجهت الفنانة منة عرفة، اعتذارها للفنانة إلهام شاهين، بسبب تصريحات سابقة هاجمتها خلالها. 

وقالت منة عرفة في رسالة مطولة عبر حسابها على "إنستجرام": "أستاذتنا ونجمتنا الكبيرة وقدوتنا اللي دايمًا بنفتخر بيها، دايماً بكون مبسوطة وفرحانة بحضرتك لما بشوفك في أي احتفالية أو مهرجان أو تكريم، لأنك بجد تستاهلي كل التقدير والاحترام والمحبة".

مكنش قصدي

وأضافت: "أنا عايزه استغل الأيام الجميلة المفترجة اللي إحنا فيها دلوقتي وأقولك كل سنة وحضرتك طيبة جميلة وقلبك طيب وجميل وأبيض زي ما اتعودنا عليه وناجحه وبخير دايماً يا رب، واعتذر لك وأقولك أنا آسفة عن أي حاجة صدرت مني تجاه حضرتك في يوم من الأيام أنا مكنتش أقصدها، أنا بحبك وبحترمك جداً وبقدرك وبقدر فنك وإبداعك اللي كلنا كبرنا عليه واتعلمنا منه كتير، وآخر حاجة بتمنالك كل النجاح والتوفيق وكل الخير اللي في الدنيا لأنك تستاهلي كل حاجة حلوة زيك".

أزمة الأحضان والقبلات 

وفي 2022 هاجمت الفنانة منة عرفة، الفنانة إلهام شاهين، وقالت في تصريحات لها إنها تتحفظ على مشاهد الأحضان والقُبلات، وأن الفنانة إلهام شاهين سبق وأن أخبرتها بأنها إذا لم تنفذ تلك المشاهد لا تعمل وعليها الجلوس بالمنزل.

وخرجت بعدها إلهام شاهين وهاجمت منة عرفة قائلة: “مبقاش في مشاهد ساخنة في السينما زي زمان، بس يعني إيه واحدة تكون واقعة على الأرض ومغمى عليها ودكتور مينفعش يمسك إيديها يقيسلها النبض، المخرج هيعمل إيه؟”.