أسرار وكواليس للمرة الأولى.. هند صبري تريند بسبب أحمد حلمي

تصدرت الفنانة هند صبري تريند مواقع التواصل الاجتماعي، بعدما شوقت جمهورها بتصريحات عن فيلمها الجديد مع الفنان أحمد حلمي الذي من المقرر بدء تصويره الصيف المقبل.

فيلم هند صبري الجديد

وصرحت هند صبري للبرنامج الإذاعي "الراديو بيضحك" الذي تقدمه الإعلامية فاطمة مصطفى على “راديو 9090” أنها ستقوم ببطولة فيلم بالاشتراك مع الفنان أحمد حلمي في الصيف المقبل، مؤكدة أن العمل سيكون مفاجأة للجمهور.

وقالت: “بحضر فيلم مع حلمي بس لسه مستقرناش على اسم معين، هو فيلم غريب جدًا وعمري ما قريت سيناريو زي دا، وفي مفاجآت كتيرة ولا يتوقع بالمرة، وهنبدأ تصويره إن شاء الله على الصيف اللي جاي”.

أحمد حلمي

وأعربت هند صبري عن تحمسها وإعجابها بالعمل مع الفنان أحمد حلمي لأول مرة قائلة: “متحمسة جدًا للشغل مع حلمي لإنه صديق عزيز جدًا وعمرنا ما اشتغلنا مع بعض يعني أنا اشتغلت مع أحمد السقا وكريم عبدالعزيز ومع هنيدي بس عمري ما اشتغلت مع أحمد حلمي ومن احترامي له وحبي ليه كفنان أنا نفسي جدًا إني أشتغل معاه”. 

غيرة منة شلبي

وفي سياق آخر، تحدثت هند صبري عن الغيرة الفنية ومكالمة منة شلبي لها بعد عرض فيلم “الفيل الأزرق 2”، وقالت صبري: “منة فعلًا كلمتني وقت عرض ”الفيل الأزرق" وقالتلي أنا غيرت وده يدل إن الغيرة حاجة بتحصلنا كلنا يعني أنا كتير بشوف حاجات حلوة وبقول الله كان نفسي أعمل الدور ده".

وأضافت: “طبعا اللي بيزيد حلاوة الدور الشخص اللي عمله، يعني بغير بس في نفس الوقت بحترم إن الشخص اللي أنا غيرت منه ده يستحق إنه يكون موجود ودي غيرة إيجابية مش الغيرة الوحشة”.

فترة هدوء

واستكملت هند حديثها عن أسباب ابتعادها عن العمل الفترة الماضية، حيث قالت: “الفترة اللي فاتت أخدت هدنة شوية، وأنا مؤمنة بفكرة الهدوء بعد الشغل الكتير بحس إنها بتعيد التوازن ليا من جوايا، محبش أكون طول الوقت في استديوهات وطول الوقت بشتغل، لا أنا بفصل وأخد إجازة طويلة شوية”.