المذيعة آلاء عبد العزيز: "كنت محتاجة أتعالج وجيت هنا بإرادتي"

كشفت المذيعة آلاء عبد العزيز عن آخر تطورات حالتها الصحية، بعد تعرضها لاضطرابات نفسية خلال الفترة الماضية.

تشخيص مرض ألاء عبدالعزيز

وقالت لـ"تليجراف مصر"، إن التشخيص لحالتها المرضية ليس مرض ثنائي قطب أو انفصام في الشخصية، متابعة، “التشخيص موجود عند الدكتور نبيل عبد المقصود، مش هعرف أصرح بيه هي حالة مرضية مش هقدر أقولها”.

وأضافت المذيعة آلاء عبد العزيز: “كنت عاوزة أتعالج من جوايا، وكان عندي قابلية للعلاج، طلعت قولت للناس الحقوني دي مش أنا.. أنا طلبت العلاج والإعلامية ريهام سعيد لبت طلبي وكلمتلي الدكتور نبيل عبد المقصود متأخرش خالص لأن أنا كنت محتاجة أتعالج وجيت هنا بكامل قوايا العقلية وبكامل إرادتي”.

وفيما يتعلق بنظامها اليومي داخل المستشفى قالت: “بصحى الصبح أقرأ شوية بحب القراءة.. وبقرأ في المصحف.. عندي كورسات علاج نفسي باخدها وبتمشى في الحديقة”.

وتابعت أنها ذهبت إلى المستشفى بإرادتها رفقة والدها بالتنسيق مع الإعلامية ريهام سعيد والدكتور نبيل عبد المقصود.

اتصالحوا على بعض

استكملت “أنا مكنتش أنا، إيه ليلي وآلاء والهبل ده الموضوع كله أنا كنت قافلة على نفسي زيادة أوي، ومن جوايا واحدة تانية عايزة تتحرر، ولما طلعوا بقوا الاتنين ضد بعض، دي بقت تعمل حاجات عكس دي لما جيت هنا المكان اتصالحوا على بعض”.

واختتمت “آلاء وليلي اتصالحوا مع بعض بقت دي تاخد الحلو ودي تاخد الحلو من هنا وبقوا شخصية واحدة الاتنين قبل كده كانوا ضد بعض، واحدة ملتزمة قوي والتانية منحرفة لما جيت هنا الاتنين اتصالحوا على بعض وبقوا شخصية واحدة”.