سلمى صباحي عن عمرو مصطفى: غلط في أبويا كتير بس أنا مسامحة

استرجعت المطربة سلمى صباحي بعض الذكريات مع المطرب والملحن عمرو مصطفى، فيما تمنت له الشفاء في وعكته الصحية الحالية.

وانضمت سلمى صباحي لقائمة طويلة من الفنانين الذين حرصوا على دعم عمرو مصطفى بعد إعلان إصابته بالسرطان وإجراء جراحة خلال الفترة الماضية. 

ماذا قالت سلمى صباحي؟

وتحدثت سلمى صباحي عن بعض الخلافات مع عمرو مصطفى، وقالت: "كنت بدعي بعد الصلاة ولقتني بدعي لعمرو مصطفى بالشفاء، هو غلط فيا وفي أبويا كتير، أنا ممكن أسامح في حقي لكن حق أبويا وأمي لأ".

وأضافت: "لكن أبويا ده نفسه اللي علمني التسامح والحب من صغري، وعلمني أن في الظروف الصعبة لازم نكون جنب بعض وننسى أي خصام، مفيش ظروف أصعب من المرض".

اعتذار 

وذكرت سلمى صباحي، تفاصيل اللقاء الوحيد الذي جمعها بالفنان عمرو مصطفى، وذلك في عام 2011 داخل قناة "صدى البلد".

وقالت: "أنا عندي قناعة من جوايا إنه شخص قلبه طيب، المرة الوحيدة اللي قابلته اتكسف أول ما شافني واعتذرلي إنه قال عني كلام مش لطيف، حسيت إن قلبه طيب، هو غلط فينا تاني بعدها بس المسامح كريم".

واختتمت: “ربنا يشفي عمرو مصطفى ويعافيه ويقومه بالسلامة لبنته وأهله وحبايبه بحق الأيام العظيمة دي”.

الحالة الصحية لـ عمرو مصطفى

الفنان عمرو مصطفى، طمأن جمهوره على حالته الصحية، مؤكدا تعافيه وعودته لعمله من جديد قائلا: "أنا رجعت أشتغل تاني بشكل طبيعي".

وخلال مداخلة هاتفيه له مع الإعلامية لميس الحديدي في برنامج “كلمة أخيرة” توجه عمرو مصطفى بالشكر لجميع من تواصلوا معه واطمأنوا عليه أثناء فترة مرضه متابعا: “بشكر كل الناس اللي اتطمنت عليا ورسايلهم فرقت معايا”.

عمرو دياب

وأضاف: “عمرو دياب أخويا وحبيبي ولو عايز كل اللي أنا غنيته ياخده، وتامر حسني كان معايا من أول يوم وبيكلمني”.

وتابع:"مكنتش عايز أشيل حد همي علشان كده مقولتش إني تعبان، وهرجع ألحن لكل الناس من تاني".