"عايره بمعهد التعاون".. الحضري يفتح النار على أحمد شوبير

ردَّ عصام الحضري، حارس مرمى منتخب مصر السابق، على تصريحات الإعلامي أحمد شوبير التي انتقده فيها. 

وكان شوبير قد أشعل الجدل بعد تصريحاته بشأن عصام الحضري، خلال ظهوره في برنامج "أسرار" على قناة النهار. 

واتهم شوبير الحضري بالسعي المستمر وراء الإشادة والاعتراف بإنجازاته، قائلا: "الحضري عنده مشكلة في حياته، لازم تفضل تطلع تقول الحضري، أو نعمل مقام باسمه"

وأضاف شوبير: “هو أفضل حارس وأسطورة، ودائمًا لما بتكلم عليه لازم أديله حقه تالت ومتلت، لأنه حقق بطولات وإنجازات، ولعب في كأس العالم وكأس أمم أفريقيا”. 

وتابع متحدثًا عن فترة منافسته مع الحضري في الملاعب: “أنا قعدت مباراة واحدة احتياطي للحضري، وبعد إصابتي كنت أساسي، لكن لما رجعت لقيت الاتجاه السائد أنه هو اللي هيلعب، وأنا بقيت احتياطي، حاولت واجتهدت، لكن مكنش فيه فايدة، وكان عندي 37 سنة، فقررت الاعتزال”. 

واختتم شوبير تصريحاته منتقدًا أسلوب الحضري في الحديث عن نفسه: "أنا عمري ما تكلمت عليه غير بكل تقدير، إحنا نقول عليه أسطورة، بس مينفعش هو يقول على نفسه، ولأسباب كتيرة هو بيقول، لإن الثقافة مهمة، وهي مش موجودة عند عصام، وعشان كده الموضوع بقى سخيف."

عصام الحضري يرد على أحمد شوبير: "الثبات على المبدأ"

وفي رد ناري، كتب عصام الحضري عبر حسابه على منصة (X)، موجهًا حديثه لشوبير:

“كابتن شوبير والثبات على المبدأ.. سبحان الله، بعد ما كان أبو تريكة بيتاجر ومنتمي وبيه وعليه، فجأة بقى حلو وعليه سكر! صحيح أكل العيش صعب، وكل حاجة بتتغير مع المصلحة، بس عاوز أقولك يا موقوف، وأقول لغيرك، أبو تريكة نجم كبير أوي، وقدم للكرة المصرية إنجازات ومتعة وبطولات، ومش محتاج شهادة مهزوزة بتروح وتيجي مع المصالح؟. ربنا يكرمه ويسهّل له أموره، ويبعد عنه المنافقين والمتلونين ومدّعي الثقافة بمعهد تعاون وأصحاب 100 وش.. قولوا آمين.”