عمرو أديب عن مشروع "رأس الحكمة": "صمت الحكومة مش مريحني"

انتقد الإعلامي عمرو أديب، ما وصفه بـ"الصمت الحكومي" على التقارير الإخبارية، التي أثيرت خلال الفترة الماضية بشأن مشروع رأس الحكمة بالساحل الشمالي.

وقال أديب خلال برنامجه "الحكاية" عبر فضائية "mbc مصر"، مساء الجمعة "صمت الحكومة مش مريحني، صفقة رأس الحكمة زي كرة اترمت في السوق وخفضت سعر الدولار من 70 إلى 64 جنيه".

ضرب السوق السوداء

أضاف أديب "لو أنت عاوز تضرب السوق السوداء للدولار قول أنا بتفاوض على مبلغ كذا، لكن تسيبني لكل واحد يخبط فيا شوية وكل حد برقم". 

تابع "أنا معرفش صفقة بتتعمل كده.. يا أنت شاطر أوي وعملت صفقة تاريخية أو اللي بيديك الفلوس عاوز يسندك بسرعة عشان تعدي من الأزمة الحالية".

وأكمل “الحكومة ليه سايبة الدنيا كده؟ اطلع اتكلم ولو بسطر، صمتك في حاجة مش مريحاني، الناس كلها مستنية فلوس رأس الحكمة، قولي وفرحني معاك، أنت بتكلم على أحلى بقاع الأرض”.