مبادرة "مصر جميلة".. حواديت محمد خميس عن الحضارة المصرية القديمة

كشف الفنان محمد خميس عن أهم الأسباب التي جعلته يتحدث عن الحضارة الفرعونية القديمة وأسرارها.

الحضارة المصرية القديمة

وقال محمد خميس خلال حديثه لـ“تليجراف مصر”: “الحضارة الفرعونية هي حضارة شديدة الأهمية في تاريخ البشرية وتأثيرها يمتد منذ القدم إلى الآن على مستوى العالم كله وليس في مصر فقط وإنجازات الحضارة المصرية القديمة من الإنجازات اللافتة ومبهرة ومبهجة”.

أهم الأسباب

وتابع خميس: “في مرة لقيت أصدقائي المثقفين اللي أنا أعرفهم بيقولوا إحنا نفسنا والله نشوف مصر من شباك الطيارة، الحقيقة الكلمة وجعتني إلى حد كبير.. الناس مش عارفة قيمة اللي هما فيه ولأني مهتم بالحضارة المصرية من وأنا طفل صغير فأنا أعرف تفاصيل كثيرة جدًا، فده كان من أهم الأسباب اللي خلتني أتكلم عن حضارة مصر".

مبادرة مصر جميلة

واستكمل خميس: “وأنا كمان عارف إن حوالينا طول الوقت مناطق مش واخدين بالنا منها ومن قيمتها فقررت إني أعمل مبادرة سميتها “مصر جميلة” وأزور فيها الأماكن دي مع اللي يجي معايا وبعلن عنها على صفحتي بقول يلا يا جماعة أنا رايح على منطقة كذا اللي عايز يجي معايا يجي”.

وأشار محمد خميس في حديثه إلى أنه يسرد للأشخاص الذين يذهبون معه لزيارة آثار مصر، حضارة مصر على شكل “حواديت”، قائلًا: “الحواديت دي بتفرق أوي بتحول الحجر اللي إحنا شايفينه لقيمة ولمعنى والناس بتكتشف فجأة إن هي طول الوقت وهي ماشية في الشارع إنها محاطة بالجمال ده، تبقي معدية من كورنيش النيل ومن شارع السرايا ومش عارفين إن الشارع ده متسمي السرايا بسبب وجود قصر الأمير محمد علي جنبهم على طول”.

محمد خميس

مؤخرًا بدأ محمد خميس في نشر عدد من الفيديوهات التي يتحدث كم خلالها عن أسرار النقوش الفرعونية، وتفاصيل سرية تخص الأجداد الفراعنة والحضارة المصرية القديمة، وفي السطور التالية نستعرض أبرز الموضوعات التي يتناولها خميس:

• هل رمسيس الثاني كان حرامي آثار؟
• إخناتون وتصحيح اسمه.
• حقيقة وجود نقش طائرة هليكوبتر وغواصة في معبد أبيدوس.
• سرقة هرم زوسر وعبقرية البناء.
• المصباح الكهربائي هل هو اختراع مصري قديم؟
• سرقة الآثار كانت بتحصل في زمن الفراعنة نفسهم.