كان يعلم بأنه برنامج مقالب.. أبرز تصريحات حاتم صلاح في "رامز إيلون مصر"

وقع الفنان حاتم صلاح ضحية الحلقة الـ 28 من برنامج رامز جلال 2025 “رامز إيلون مصر” والذي يعرض يوميًا على شاشة قناة إم بي سي مصر MBC.

وقدم رامز جلال الفنان حاتم صلاح بطريقة ساخرة قائلًا: “معانا فنان يا جدعان، نجار مسلح متشعلق على سقالة في الكيتكات، ولما لقى أتوبيس الكوميديا مليان ومتروس كوميديين، قرر إنه يكون مختلف، وقال لازم أحلق في سماء الكوميديا”.

حاتم صلاح لـ رامز جلال: أنت إنسان سادي

وأضاف رامز عن حاتم صلاح: "قالك مبدهاش أنا هقفش في التلامة طار وحلق في سماء النجومية كما الحمامة وبقى يهبد وبيقول في أي كلام واللمطبلاتية يهيصوله ويقولوله يا سلام، إحنا النهارده جايبينه هنا عشان نقوله كفاية فقعتنا وهتطلع مكسر من عندنا
معانا ومعاكم خفيف الظل اللي نكته وإيفيهاته بتشل اللي هدشمله وضميري مرتاح حاتم صلاح".

وبعد بدء فقرات البرنامج وكشف هوية رامز جلال أمام حاتم صلاح، انفعل الأخير عليه قائلًا: “ضهري وجعني يا رامز.. ووشي اتحرق”.

ووجه رامز سؤالا إلى حاتم صلاح حيث قال: “هما مش قالولك إنك جاي برنامج مقالب؟، ليجيب: أيوة ليرد رامز عليه قائلا: طب حد يجي برنامج اكتشاف مواهب بالطقم المعفن ده؟”.

أما عن نجم الكوميديان رقم واحد في مصر قال حاتم صلاح بعد سؤال رامز: “نجم الكوميديان رقم واحد في مصر هو رامز”، ليرد رامز: “إجابتك أثبتت عدم الولاء لأن اللي مكتشفك أحمد مكي وأنا مسمحش”.

وسأل رامز حاتم صلاح: “لماذا المترو من وسائل النقل المهمة”، ليجيب “عشان بينقل ناس كتير”، فيوضح رامز له أن إجابته خاطئة والإجابة الصحيحة “لأنه تحته خطيين”، ما استفز حاتم صلاح ودفعه ليرد: “انت بتستظرف.. يخرب بيت أبوك”، كما قال حاتم صلاح لرامز جلال إنه إنسان سادي.