أول رد على حقنها سيليكون.. أبرز تصريحات هدى الإتربي في رامز إيلون مصر

حلت الفنانة هدى الأتربي ضيفة الحلقة السابعة والعشرين من برنامج رامز جلال 2025، رامز إيلون مصر، والذي يعرض يوميًا على Mbc مصر بعد الإفطار مباشرةً.

رامز جلال عن هدى الإتربي: منبع الفيلر مش بتاخد السيلكون حقن دي بتعبيه بالكوز

وقدم رامز جلال هدى الإتربي ساخرًا من ضيف الحلقة كعادته خلال برنامج المقالب الخاص به حيث قال: “النجمة اللي معانا منبع الفيلر مش بتاخد السيلكون حقن دي بتعبيه بالكوز، ومن أجل الفن والفنانين وبما إني زعيم المجانين لازم أعرفها إن الفن ده له هيبة وإن اللي بتعمله ده مصيبة”.

وأضاف رامز جلال عن هدى الإتربي فور وصولها إلى استوديو البرنامج: “جاية من الحرفيين على هنا، مفيش عدالة في التوزيع وفي مناطق جت على مناطق، إيه الشعر ده؟ مش بتحط زيت أملا دي بتشربه، واللي زي دي لازم واحد يمشي وراها بطشت أحسن شوية سليكون يتدلدقوا، وأنا النهارده جايبها عشان أوقفها عند حدها، هاردها على البارد وأكسر جناحها اللي فارد معانا ومعاكم الشيست المفترس، إيرباجز الجيل هدى الإتربي”.

سبب تسميتها جورجينا الغلابة 

وخلال إحدى فقرات البرنامج وجه الروبوت الموجود في رامز إيلون مصر سؤالًا إلى هدى الأتربي قائلًا: "يحتوي جسدك على سيلكون؟"، لترد الأخرى: “وأنت مالك”.

وسأل رامز هدى الإتربي عن سبب إطلاق لقب جورجينا الغلابة عليها قائلًا: “مين طلع عليكي إنك جورجينا الغلابة؟”، لترد الأخيرة قائلة: “مش أنا اللي قلت على نفسي جورجينا الغلابة والناس هما اللي طلعوا عليا اللقب ده”، ليعلق رامز: “لو إنتي جورجينا اومال مين كريستيانو فاروق جعفر؟”.

كما وجه رامز جلال سؤالا عن مواصفات الرجل الجذاب لها حيث قال: إيه أكتر حاجة بتشدك في الراجل؟، لتجيب: أنه يكون رامز.

وقالت الفنانة هدى الإتربي خلال وجودها في الحلقة الـ 27 من رامز إيلون مصر: فيه ناس بتتجوز روبوت، ليرد رامز قائلًا: : ليه؟ الرجالة قصرت معاكي في إيه؟.