فلاش باك.. حسين لبيب: المنافس عايز زيزو.. واللاعب أصل من أصول النادي

أكد رئيس الزمالك حسين لبيب في وقت سابق، حينما كان رئيسا للجنة المعينة لإدارة النادي، أن زيزو أصل من أصول النادي ويجب الحفاظ عليه، وعدم بيعه.

تصريحات حسين لبيب

وقال لبيب في تصريحات تلفزيونية سابقة عبر برنامج "كلمة أخيرة"، مع الإعلامية لميس الحديدي المذاع على قناة "ON": “زيزو أصل من أصول نادي الزمالك ولازم أحافظ عليه ومش مستعد أبيعه”.

وأضاف: “هحاول أجيب الرقم اللي هيتدفع في زيزو من أي مصادر أخرى ولا بد أن نفكر خارج الصندوق”.

وأتم حديثه قائلًا: “لاعيبة الزمالك جامدة أوي، والنادي المنافس بيقول أنا أتمنى زيزو وفتوح يبقوا عندنا”.

بيان زيزو

وفي السياق ذاته، كشف نجم نادي الزمالك، أحمد السيد “زيزو”، تطورات ملف تجديد عقده مع النادي الأبيض، موضحًا تفاصيل هامة بشأن انتقاله إلى النادي الأهلي بالتوقيع للقلعة الحمراء.

وقال زيزو عبر ستوري على إنستجرام: "الحمد لله أنا راجل بحترم كل الناس، لكن للأسف عدم ردي على المعلومات المغلوطة والتزامي الصمت زاد عن حده، كل ساعة خبر عن توقيع أو تجديد عقد زيزو، وكل واحد بيغازل الشريحة اللي عايزها من الجمهور".

وأضاف: "بكل وضوح أنا لم أوقع لأي ناد، سواء داخل أو خارج مصر، اللي حصل على توقيعي يتفضل يعلن، إذا كان كلامه صحيح؟، كمان اللي عنده دليل على توقيعي لأي ناد برضه يتفضل يطلعه على الملأ".

وأوضح: "ليه محدش اتكلم عن حقوقي المشروعة زي أي لاعب في الدنيا، ليه محدش اتكلم إن الناس سابتني بقالها شهور طويلة ومش عايزين يجددوا عقدي، ليه محدش اتكلم عن المستحقات المتأخرة اللي ليا بقالها كتير، ومش لاقي حد يجاوبني، ليه محدش اتكلم إنه التجديد المرة دي جاي في مرحلة متقدمة من عمري بالنسبة للعيبة الكورة، ولعيب الكورة مهما طول، عمره قصير في الملعب".