شوبير: إدارة المباريات مش كيميا.. وكولر عمل كل حاجة غلط ضد بيراميدز

مارسيل كولر

A . .A

وجه الإعلامي أحمد شوبير انتقادات حادة إلى المدير الفني للنادي الأهلي، السويسري مارسيل كولر، بعد تعادل الفريق أمام بيراميدز، في مباراتهما أمس، رغم طرد لاعب بيراميدز مهند لاشين وعدم استغلال الأهلي للنقص العددي للفريق السماوي.

شوبير: كولر عمل كل حاجة غلط ضد بيراميدز

وقال شوبير عبر إذاعة أون سبورت إف إم، اليوم: "مارسيل كولر عمل كل حاجة غلط في مباراة الأهلي وبيراميدز، بداية من خروج يحيى عطية الله. هتقولي بس دي إصابة، هقولك إصابة ناتجة عن زيادة الحمل البدني، وشوف كام لاعب في الأهلي عانى من إصابات عضلية خلال الفترة الأخيرة".

تغييرات كولر غريبة

وأضاف شوبير: "مفيش أي شكل للأهلي في الملعب، والتغييرات بصراحة ملهاش أي تفسير، تغييرات غريبة وجديدة محدش قادر يفهمها، يعني إيه أول ما بيراميدز يُطرد منه مهند لاشين وهيبدأ يفتح الملعب تقوم مخرج أشرف بن شرقي اللي يقدر يعدي ويصنع الفارق وتنزل محمد عبدالله في مباراة عصيبة زي دي؟ يا جماعة فيه لاعيبة متخرجش من الملعب".

خروج بن شرقي

وتابع: "انت جربت محمد عبدالله في ماتش الأهلي والزمالك، الولد الضغوط عليه صعبة شوية، وبن شرقي، وما أدراك ما بن شرقي، حتى لو مش موفق قوي، فهو بيعرف يعدي ويجيب جون أو يصنع فرق، حاجة غريبة جدًا".

وواصل شوبير: "نزول طاهر في ماتش الهلال السوداني وعمل جون، ميطمعكش إنك تنزله ماتش بيراميدز".

وأوضح: "إصابة كريم الدبيس ونزول أحمد رضا ده الأمر الوحيد اللي اضطراري بسبب إصابة الدبيس. ثم في الدقيقة 71، جراديشار نزل بدل مروان عطية".

إدارة المباريات مش كيميا

وأكمل: "إدارة المباريات ده يا جماعة مش كيميا. انت لازم تبقى عارف قصة الفرقة عاملة إزاي، فرقتك عاملة إزاي، لعيبتك عاملة إزاي، فورمتها عاملة إزاي".

وأتم: "كان في أخطاء فنية بالجملة. وأنا كنت بقول بعد ماتشين الهلال إنتوا بتهاجموا كولر ليه؟ لكن قولتلك برضو إن الأيام المقبلة كاشفة لمصير كولر في الأهلي".