ميدو: "في اسكربت متوزع لهدم الزمالك بعد عودته للمنافسة" (فيديو)

رد  عضو لجنة التخطيط الحالي بنادي الزمالك، أحمد حسام ميدو، على ما وصفه بمحاولات ممنهجة لضرب استقرار نادي الزمالك، مؤكدًا أن الفريق مستقر تمامًا، وأن كل ما يتم تداوله في بعض وسائل الإعلام لا أساس له من الصحة.

ميدو: هناك حملة لـ "هدم الزمالك"

وقال ميدو في فيديو عبر حسابه على منصة "إكس": “أكيد حضراتكم تابعتوا الاسكربت المتوزع إزاي نهد الزمالك.. خاصة أن الزمالك رجع للمنافسة.. إيه اللي إحنا نقدر نعمله نهد الزمالك؟ للأسف كل اللي متوزع على بعض الإعلاميين من إمبارح وبيرددوه يعني بالأمر، للأسف.. كلام ملوش أي أساس من الصحة”.

وأضاف ميدو: "إحنا لا هنفور فرق، ولا هنجيب 15 لاعب، ولا هنمشي المدرب بتاعنا. إحنا عندنا 6 ماتشات، لو كسبناهم ممكن بنسبة كبيرة نبقى الأبطال. وعندنا هدفين من الدوري، إما الفوز بالدوري أو التأهل لدوري أبطال أفريقيا".

الزمالك يهدف لـ الاستقرار 

وتابع حديثه بالتأكيد على أهمية الاستقرار داخل الفريق، موضحًا: "ومش هنعمل أي حاجة تخرجنا عن تركيزنا إن إحنا نحقق الهدف ده.. وإحنا مؤمنين إن الاستقرار مهم جدًا.. لا كلام عن رحيل بيسيرو.. عندنا ثقة كبيرة في بيسيرو إنه يقود المرحلة اللي جاية عشان يحقق أهدافنا".

خطة الزمالك في الميركاتو الصيفي 

كما كشف ميدو خطة الزمالك في سوق الانتقالات الصيفية، قائلًا: "عشان أريح الناس كلها، الزمالك في الترانسفير ماركت الجاية أو في الصيف مش هيتعاقد بأي شكل من الأشكال مع أكتر من 3 أو 4 لاعيبة بالكتير.. على حسب المستجدات اللي بتجلنا.. وإحنا شغالين على الملف ده كويس".

حقيقة رحيل بيسيرو 

وختم ميدو تصريحاته بتجديد ثقته في الجهاز الفني واللاعبين الحاليين، حيث قال: "عندنا ثقة كبيرة في مدربنا وفي اللاعيبة بتاعتنا اللي نملكها إن هما يعني هيموتوا نفسهم خلال المرحلة الجاية لتحقيق أهدافنا زي ما قولت من خلال بطولة الدوري.. إن إحنا إن شاء الله نفوز بالبطولة ونتأهل لبطولة أفريقيا أبطال الدوري.. والفوز بكأس مصر.. صباح الفل".