من القمة للقاع.. كيف تفاعل مستخدمو مواقع التواصل مع غلق فروع بلبن

أعلن بلبن غلق فروعه الـ 110 في جميع أنحاء الجمهورية، عبر صفحاته الشخصية على المنصات الاجتماعية، مستنجدين بالرئيس عبد الفتاح السيسي لمنحهم فرصة، وإنقاذ 25 ألف عامل من فقدان مصدر رزقهم.

وتباينت ردود الفعل عبر المنصات الاجتماعية بين مؤيد ومعارض لغلق سلسلة المطاعم الشهيرة فمنهم من رأى أن قرار الغلق عادل جدًا بعد الحملة الترويجية المسيئة التي أطلاقها بلبن في حق منافسيه في السوق مثل “العبد” و"المالكي"، و"وزير الحلو".

وعلق أحد الحسابات وكتب: "للأسف الشديد إنتو بتقدموا منتجات فعلاً تضر بالصحة العامة وسكريات مدمرة صحيًا وميكسات كافيه تجيب المرض للشعب، وكده مش بتقدموا منتجات تستحق الدعم ولا مشرفة فى الصحة لأنها فعلاً ضارة وما طار طير وارتفع بسرعو الصاروخ زيكم إلا كما طار وقع لأن فعلاً مش منطقي انتشار الفروع بالعدد ده فى فترة سنتين تلاته يعنى حتى مشكوك فى مصدر التمويل".

بينما علق آخر معتقدًا أن سبب الغلق يعود إلى منع “وزير الحلو” من تسجيل العلامة التجارية خاصته في السعودية قائلا: "ذنب اللي عملتوه في السعودية في وزير الحلو مش عاجبني طبعكم جو ضربني وبكى سبقني واشتكي مفكرتوش في رزق غيركم وسرقة أفكار وصفات غيركم والتخبيط في حلواني العبد بابا المجال، الواحد بس زعلان على العمالة الغلابة إنما إنتو كقائمين على المشروع والتسويق حلال فيكم ودي عدالة السماء من رب اسمه العدل استغفر واتقي الله في شغلك علشان الإفترا على أرزاق ناس تانية ما يرضاش بيه ربنا".

بينما نظر آخرون للعاملين في هذه الفروع بنظرة التعاطف والخوف من تشردهم وتشرد عائلاتهم، بعد فقدانهم مصدر رزقهم.

وعلق أحد الحسابات على قرار الغلق وكتب: "بعد قفل فروع بلبن السؤال هنا بقي كام موظف كانوا في الفروع دي؟ كام بيت كان بيصرف من ورا الشغل ده؟ كام واحد عليه جمعيات؟ عليه أقساط؟ عليه التزمات؟ داخل على جواز؟ فاتح بيت؟ كام واحد اتحرم من مرتبه فجأة؟ واتقطع عيشه من غير ذنب؟.

وأضاف: "الموضوع مش مجرد محلات بتقفل دي أرزاق ناس بتضيع، وناس كانت بتصحى كل يوم الصبح عشان تشتغل وتعيش بالحلال، ربنا يعديها ويهونها عليهم يا رب، ويعوضهم خير، لأنهم بجد ملهمش ذنب، يا رب ارزقهم رزق من حيث لا يحتسبوا".