هادي الباجوري عن تقبيل زوجته: معنديش مشكلة.. وعارف عاداتنا كويس

جدد المخرج هادي الباجوري الجدل بشأن تصريحاته حول قبوله تقبيل زوجته خلال تصوير أحد المشاهد بالأعمال الفنية.

وقال هادي الباجوري خلال برنامج “سبوت لايت”: “لحد النهارده بتفرج على أفلام أبيض وأسود، إيه المشكلة بتاعة البوسة؟ عملوا منها حدوته كبيرة في فيلم قمر 14 وهي كانت بوسة حب، اللي أكتر من كده أنا مش هعمله لأن عارف عادتنا وتقاليدنا أنا فاهم أنا بعمل إيه.. وأنا بتهاجم طول الوقت”.

ليس لدي مشكلة

وأضاف: “ماكذبتش لما قلت معنديش مشكلة مراتي تتباس في مشهد.. والناس هاجمتني وهيفضلوا يهاجموني.. ومينفعش أذوق كلامي ومعنديش حاجه أتكسف منها”.

صادق ومش منافق

وتابع الباجوري: “مينفعش تبقى ممثلة وأطلب بوسة في مشهد لازم تتعمل، أنا مقلتش تنام معه أنا قلت بوسة، فمينفعش أطلبها من ممثلة ومراتي مطلبهاش منها كدا مش حلو.. حتى لو اتهاجمت.. عارف الناس هتهاجمني بس مش فارق معايا لأني راجل صادق ومش منافق ومكدبش على نفسي”.

اقرأ: بعد تصريح "البوسة مش عيب".. إعلامية لـ هادي الباجوري: كلامك مستفز

هادي الباجوري

وفي وقت سابق، أثار هادي الباجوري حالة من الجدل بتصريحاته بشأن القبلة خلال لقائه ببرنامج "حبر سري" الذي تقدمه الإعلامية أسما إبراهيم، مؤكدًا أنه لا يمانع أن تقبل زوجته طالما الأمر متعلق بالسياق الدرامي، وذلك لخدمة العمل.

وأشار الباجوري: "كان فيه مقابلة تليفزيونية واتسألت عن موقفي لو مراتي ياسمين رئيس جاءت في مشهد به قبلة ترفض ولا توافق.. فكنت لسة عامل فيلم قمر 14 وكان فيه مشهد قبلة ما بين شيرين وخالد، فقلت أوافق طبعا.. لأن ده تمثيل وموضوع الطلاق ملهوش علاقة بالغيرة من عدمه".

اقرأ: بـ"ورق كوتشينه".. هادي الباجوري يكشف أبطال فيلم "هيبتا" الجزء الثاني