"يا تبقى معانا يا نخلص عليك".. والد ضحية البساتين: قتلوه عشان غلبان (فيديو)

شهدت منطقة البساتين التابعة لمحافظة القاهرة واقعة مأساوية وبشعة، عقب إقبال 6 أشخاص على إنهاء حياة شاب بالأسلحة البيضاء.

والد ضحية البساتين يروي تفاصيل الواقعة

وقال والد المجني عليه في تصريحات لـ"تليجراف مصر": "البداية كانت لما جت ست واتهمت ابني بالتعدي عليها، فأولادها راحوا لابني وتعدوا عليه بالسب والضرب بأسلحة بيضاء".

وأضاف والد المجني عليه: “المتهمون تعدوا على ابني وشرحوا جسمه بالأسلحة اللي كانت معاهم وتسببوا له في قطع بالوجه والرأس ومناطق متفرقة بالجسم”.

ذهب لنجله وشاهده مكسورا ومنهارا

وأكمل والد المجني عليه: "بعد تعدي المتهمين على ابني عرفت باللي حصل ورحت لابني وشفته وهو مكسور ومنهار بسبب اللي حصل معاه".

تربصوا له وأنهوا حياته 

وقال: "بعد ما المتهمين تعدوا على ابني قعد يتعالج 15 يوما، ولما رجع وقام بالسلامة، المتهمين تربصوا ليه، ولما شافوه في أول يوم يخرج فيه بعد اللي حصل كانوا في انتظاره عشان يخلصوا عليه وبالفعل قتلوا ابني عشان غلبان، قتلوا ابني عشان مرضيش يبقي معاهم في المشاكل".

مطالبة والد المجني عليه بحق نجله

وأنهى والد المجني عليه حديثه: "أنا كل اللي طالبه هو حق ابني عشان اللي حصل في ابني متمناش حد يشوفه أو يتعرض ليه".