"كان طالع عينه عشان يعيشنا".. زوجة سائق تاكسي الإسكندرية تروي تفاصيل صادمة

في لحظة مأساوية غيرت مجرى حياة أسرة كاملة، انفجرت سيارة تاكسي في شارع الإقبال بمحافظة الإسكندرية؛ نتيجة سقوط شرفة منزل بفعل عاصفة هوائية عنيفة، ما أدى لإصابة السائق بحروق شديدة، وسط ظروف إنسانية صعبة يعيشها هو وأسرته.

زوجة سائق تاكسي عاصفة الإسكندرية

وروت زوجة السائق محمد علي، البالغ من العمر 36 عامًا، تفاصيل ما حدث لـ"تليجراف مصر"، قائلة: "جوزي قالي: أنا كان لازم أنقذهم، مينفعش أسيبهم، وهو دلوقتي في العناية المركزة وجسمه كله محروق، كان طالع عينه وبيشتغل 24 ساعة عشان يعيشنا، وكاتب على نفسه شيكات بس أنا واثقة في ربنا".

وأكدت زوجته أن محمد كان العائل الوحيد لأسرته، ولا يملك مصدر دخل آخر سوى التاكسي، الذي انفجر نتيجة سقوط شرفة من الدور الرابع عليه أثناء وقوفه لنقل راكبين في الساعة الثالثة فجرًا، حيث كانت الأجواء مليئة بالأمطار والثلوج.

إيصالات أمانة

وأضافت في تصريحاتها: "محمد كان لسة ناقل ملكية التاكسي من شهرين، ومديون بإيصالات أمانة بـ300 ألف جنيه، ومستقبل العيلة كلها كان متعلق بالعربية دي وهي كانت مصدر رزقنا الوحيد".

انفجار السيارة لم يكن مجرد حادث مروع، بل فصل مأساوي في قصة كفاح شاب بسيط، حاول في لحظة الخطر إنقاذ حياة الآخرين قبل نفسه.

بينما قالت مي شقيقته في تصريحاتها: "الباب اتقفل عليهم بعد الانفجار، ومحمد كسر الإزاز بالعافية وساعد الركاب يخرجوا وبعدها أغمي عليه، دلوقتي عنده حروق بنسبة 80% بين الدرجة التانية والتالتة، في رجله ودراعاته".