دونجا: تتويجنا بدوري الأبطال لحظة لا تُنسى.. ومحسسينا إننا كسبنا دورة رمضانية

أكد محمود عبد العاطي "دونجا"، نجم وسط بيراميدز، أن تتويج فريقه بلقب دوري أبطال إفريقيا على حساب صن داونز هو لحظة لا تُنسى في مسيرته الكروية.

"محسسينا إننا كأننا كسبنا دورة رمضانية!"

وقال دونجا، خلال حواره مع كريم رمزي في برنامج لعبة والتانية عبر راديو ميجا إف إم: "في ناس مدونا 10 دقايق احتفال، ومحسسينا كأننا كسبنا دورة رمضانية! طب هو في أهم من بطولة أفريقيا؟!".

اللاعبون وضعوا صورة الكأس خلفية لهواتفهم

وأضاف: "اتفقنا من البداية إن عندنا أهل وجمهور وجهاز فني عايزين نفرحهم، وفعلاً كان عندنا عزيمة قوية".

وتابع: "بعض الناس كانت بتسخر مننا، لكن اللاعبين كانوا حاطين صورة الكأس خلفية على موبايلاتهم، وحتى عمال غرف الملابس كانوا عايشين الحلم معانا".

تخاذلنا في الدوري خوفًا من الإصابات قبل النهائي

وواصل: "إحنا مركزين على نفسنا، مش على أي حد تاني، ومحدش كان متوقع نوصل للنهائي، وحتى لما ظهر إننا متخاذلين في بعض مباريات الدوري، ده كان بسبب خوفنا من الإصابات قبل النهائي".

تشتيت في الدوري وهدفنا كان إفريقيا

وأردف: "في حاجات شتّتت تركيزنا في الدوري، زي موضوع عدم خصم النقاط من الأهلي، لكن إحنا قررنا نركّز على بطولة إفريقيا ونحققها".

"يورتشيتش أب وأخ لينا.. والآن نستعد للزمالك"

واختتم دونجا حديثه قائلًا: "كل اللاعبين بيحبوا يورتشيتش، لأنه بيتعامل معانا كأب وأخ، وبيحترم كل واحد في الفريق. ودلوقتي هنبدأ الاستعداد لنهائي كأس مصر قدام الزمالك".