جدل كبير حول صحة زواج فتاة من شاب مصاب بمتلازمة داون

أثار مقطع فيديو متداول خلال الساعات الأخيرة، لزفاف فتاة وشاب مصاب بمتلازمة داون، جدلاً واسعاً على مواقع التواصل الاجتماعي، وسط حالة من الغضب والاستنكار بين المستخدمين الذين اعتبر عدد كبير منهم أن العريس "ليس بكامل قواه العقلية"، مما يطعن في صحة الزواج شرعياً وقانونياً.

باطل ولا يجوز

ونشر أحد المستخدمين ويدعى خالد صواف، الفيديو عبر صفحته الشخصية على موقع "فيسبوك"، وعلق عليه قائلًا: "حسبي الله ونعم الوكيل في كل واحد بيبع بنته ويكسرها كده علشان الفلوس.. ومحدش يقولي الفقر علشان الفقر أهون كتير إني أبص في عين بنتي في فرحة عمرها وألاقيها مكسورة بالشكل ده".

وتوالت التعليقات المنتقدة للفيديو، حيث كتبت بسمة شاهين: "ده جواز باطل لأنه من شروط الزواج أنه يكون الطرفين بكامل قواه العقلية".

وفي السياق ذاته، قالت سمر سامي: "لا حول ولا قوة إلا بالله العلي العظيم، البنت باين عليها إنها مغصوبة على الجواز، بس قانونًا ده جواز باطل لأن الزوج لازم يكون كامل الأهلية، وده شخص من ذوي الاحتياجات الخاصة، ده لازم حد يراعيه وياخد باله منه ومن علاجه، ومسؤولية كبيرة، لكن ده مينفعش يفتح بيت ويشيل المسؤولية، حرام كده، البنت اتظلمت وهتعاني".

وتساءلت سارة مشعل عن دور المأذون قائلة: "المأذون لازم يتحاكم بجد إنه شاف كده وكمل الجوازة".

شروط صحة الزواج

وأيد محمد السيد التعليقات السابقة قائلاً: "شروط صحة الزواج: البلوغ، العقل، القدرة، لو حاجة فيهم مش موجودة لا يصح عقد الزواج".

كما علّقت ميادة علي متسائلة: "هي الجوازة دي حلال ولا لأ؟ في الأول، هو مش المفروض بيكون في كشف طبي وكده ولا إيه؟".

وأكدت أسماء عادل: "ده جواز باطل، ومستحيل في مأذون بيخاف ربنا هيرضى يكتب لهم".

فاقد الأهلية

وأضافت لين أحمد: "هو مش المفروض العريس فاقد الأهلية؟ وده من شروط الجواز أن يكون عاقل وبكامل قواه العقلية، ولا أنا فاهمة غلط؟ والله حرام، الناس دي جهلة، واللي كتب الكتاب ده شيخ وعارف دينه كويس. حسبي الله ونعم الوكيل".

وكتب محمود علاء: "الناس بقيت بتعمل أي حاجة عشان الفلوس حتى لو هي حرام، بالنسبة ليهم فهي عادي".

فيما تساءلت إيمي عن الإجراءات الرسمية قائلة: "هما إزاي عدوا من الكشف الطبي اللي بيتعمل، والفحوصات والكشف على القوى العقلية والاتزان النفسي للطرفين؟".

واختتم هشام عيد سلسلة التعليقات بالقول: "أصلًا الجواز ده غير شرعي لأن العريس غير مدرك العقل بشكل كامل، والله أعلم، ومن الممكن التفريق وحبس أهل العروسة أو ولي الأمر".