عمرو وردة: محمد صلاح جدع وصاحب صاحبه مينفعش حد يهاجمه

أكد عمرو وردة، لاعب منتخب مصر السابق، أن اللاعب محمد صلاح هو "أعظم لاعب في تاريخ مصر"، ورفض الانتقادات الموجهة له بسبب مشاركته في احتفالات مثل الكريسماس.

وقال وردة: "الناس في مصر بتهزر.. صلاح جدع وصاحب صاحبه، ومينفعش حد يهاجمه.. مالناش دعوة ينزل كريسماس ولا لأ، هو حر يعمل اللي هو عايزه، وإحنا مش اللي هنحاسبه".

علاج من مرض نفسي منذ 2017

وكان عمرو وردة اعترف في وقت سابق، بمعاناته من مشاكل نفسية منذ سنوات، لبودساكت "المشهد سبورتس" على يوتيوب، مؤكدًا أنه يخضع للعلاج النفسي منذ عام 2017 مع الدكتور عماد فاروق، الذي قال عنه: "بيساعدني في حياتي، وبروح له باستمرار".

حجازي غير موقفه

تحدث وردة، عن موقف أحمد حجازي في الأزمة الشهيرة بالمنتخب، قائلًا: "أحمد حجازي غيّر رأيه وموقفه.. أنا عارف عنه بلاوي، لكن هو راجل متجوز ومخلف ومينفعش أتكلم عليه".

وأشار وردة، إلى أن زملاءه في الفريق كانوا يدعمونه حتى بعد الأزمة، قائلًا: "بعد كل هدف كانوا بيرفعوا التيشيرت الخاص بيا، ده استفز الجمهور في إيه؟ أنا رجعت، والجمهور شجعني، وصوري كانت مرفوعة في المدرجات".

ورد وردة، على ما تردد بشأن واقعة تحـرش في قبرص، قائلاً: "محصلش ولا فيه الكلام ده أصلًا، عمري ما اترفعت عليا قضية، ولا دخلت قسم شرطة. اللي حصل شات عادي فيه 'Hi' و'How are you'، والكلام ده كان قبل البطولة بسنتين".

ودافع وردة عن نفسه بحدة، قائلًا: "أقسم بالله العظيم عمري ما شربت كحول، ولا حتى جربته. فيه لاعيبة بتعمل بلاوي، بس أنا عمري ما أذيت حد، وربنا هو اللي هيحاسب الناس".

واتهم وردة بعض وسائل الإعلام المصري بمحاولة تشويه صورته، قائلًا: "الإعلام المصري عايز يخلص عليا، خصوصًا لما كنت في الرجاء وقعدت 20 يوم في المستشفى. صوروني ونشروا صوري وكأنهم بيتريقوا عليا".