أحمد زاهر يدعو لابنته وابن تامر حسني: اللهم اشف آدم وابنتي ملك

حرص الفنان أحمد زاهر على توجيه رسالة دعم لـ آدم نجل الفنان تامر حسني، وذلك بعد خضوعه لـ عمليتين جراحيتين، كما دعا لابنته الفنانة ملك زاهر التي تعرضت مؤخرًا لوعكة صحية أدت إلى دخولها المستشفى.

أحمد زاهر يدعو لابنته ولنجل تامر حسني

ونشر أحمد زاهر صور تجمع ابنته مع آدم ابن تامر حسني عبر حسابه الرسمي على منصة “إنستجرام” معلقًا عليها: “اللهم أنت الشافي المعافي.. اللهم اشفي آدم ابن أخويا وابني، واشفي بنتي ملك شفاءً لا يغادر سقمًا عاجلًا وليس أجلًا فهو عليك هين وعلينا عظيم”.

وتابع أحمد زاهر: “يارب ما تشوفوا في أولادكم أي حاجة وحشة ويشفي كل مرضانا يارب.. وشكرًا على محبتكم ودعمكم”.

ماذا حدث لملك أحمد زاهر؟

وأمس الأول، نشرت ملك زاهر صورة وهي بالمستشفى، معلقة عليها بقولها: “أنا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار وبتبقي بيني وبين صحابي".

نقل ملك زاهر للمستشفى بعد تعرضها لأزمة صحية مفاجئة

"اكشفوا كويس".. تامر حسني يوضح تطورات حالة ابنه الصحية

تعبانة وحياتي مش وردي

وتابعت ملك زاهر: “الفترة الأخيرة بيجي لي كومنتات كلها أنتي عايشة ومبسوطة وإحنا مش عايشين وإيه كل اللي انتي فيه ده.. حبيت أقول لهم إن الحياة مش وردي أنا بقالي 3 أيام تعبانة وعندي حاجة لحد دلوقتي مش فاهمين سببها رغم إني قبلها بنص ساعة كنت زي الفل ومن ساعتها مش عارفة أنزل أو حد يشوفني”.

ابن تامر حسني

كما تعرض في الأيام القليلة الماضية، ابن الفنان تامر حسني “آدم” لأزمة صحية شديدة أدت إلى دخوله العناية المركزة.

ما هو مرض ابن تامر حسني؟

وكشف تامر حسني أن نجله آدم تعرض لانفجار في الزايدة وخضع لـ عمليتان جراحيتان، حيث كتب عبر حسابه على موقع “فيسبوك”: "أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا.. هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادية”.

وتابع تامر حسني في منشوره: “بقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص لا روحوا اكشفوا كويس واعملوا سونار على البطن والزايدة مرة واتنين عشان برضو ساعات مش بيبان ولازم الدكتور يضغط بطريقة معيّنة، لأني سمعت إن الزايدة خادعة”.

واختتم حسني: “آدم عمل عمليتين صعبين أوي عليه وبدعواتكم مستنيين النتايج تكون خير يا رب ويعدي مرحلة الخطر يا رب، بحق (كن فيكون) اشفيه وعافيه، هو وكل ولادنا”.