"بشكر كل حد دعا لابني".. تامر حسني يوجه رسالة شكر لجمهوره

تامر حسني ونجله "آدم"

محمد الهباء

A . .A

شارك الفنان تامر حسني جمهوره بفيديو له من حفله الذي أحياه أمس الجمعة بالكويت، ضمن جولته الغنائية بموسم صيف 2025.

وقال تامر حسني، خلال فيديو نشره عبر حسابع بموقع "إنستجرام": "إنتو هتقووني عشان أعرف أغني إنتو عارفين الظروف طبعا".

وأضاف: "بشكر كل حد فيكم وكل حد على السوشيال ميديا دعا لابني ربنا يحفظكم يارب وليكم مثلها وأضعاف كمان، وأنا هبدأ معاكم الحفلة أنا عارف إن ملكوش ذنب في أي حاجة".

حفل تامر حسني بالكويت

وكان تامر حسني قد أحيا بالأمس حفلا غنائيا بدولة الكويت، ضمن جولته الغنائية حول الوطن العربي بموسم صيف 2025.

خروج آدم تامر حسني من العناية المركزة

وأعلن تامر حسني أمس خروج نجله "آدم" من المستشفى، بعدما أجرى عمليتين جراحيتين جراء انفجار في الزايدة.

وكتب منشورا عبر "فيسبوك" قال خلاله: "لكل الغاليين اللي اهتموا بتعب ابني، الحمدلله الوضع مستقر بعد العملية التانية وخرج من العناية المركزة بفضل الله ثم دعواتكم".

واختتم "حسني" موجها الشكر لجمهوره: "وعشت أشكركم عمري كله مش هوفي حقكم وربنا يتمم الشفاء على خير.. ودايمًا بقول على دعواتكم الكريمة: لكم مثلها وأضعاف أضعافها شكراً يا أغلى الناس ربنا يحفظكم ويحفظ ولادكم قادر يا كريم”.

تعرض ابن تامر حسني لوعكة صحية

وكان تامر حسني منذ أيام قد أعلن تعرض ابنه لوعكة صحية، دخل على إثرها العناية المركز بإحدى المستشفيات.

ما هو مرض نجل تامر حسني؟

وكان تامر حسني منذ أيام، قد أعلن عن المرض الذي يعاني منه ابنه "آدم" من خلال منشور كتبه عبر "فيسبوك"، جاء كالتالي: "أنا مش عارف أشكركم إزاي على كمّ الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا.. هو عمل عمليتين كبار بسبب انفجار الزايدة المفاجئ، اللي كانت أعراضه سخونية عادي".

وتابع “حسني: ”بقولكم كده عشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص لا روحوا اكشفوا كويس واعملوا سونار على البطن والزايدة مرة واتنين عشان برضو ساعات مش بيبان ولازم الدكتور يضغط بطريقة معيّنة، لأني سمعت إن الزايدة خادعة".