"عرفت غلاوتي عندكم".. ملك زاهر توجه رسالة لجمهورها

وجهت الفنانة الشابة ملك زاهر رسالة شكر إلى جمهورها، وذلك بعد دعمهم لها في أزمتها الصحية التي تعرضت لها مؤخرا، ودخلت على إثرها إحد المستشفيات.

ونشرت ملك زاهر صورة من رسائل جمهورها لها عبر "إنستجرام"، وعلقت: "والله ما عارفة أقول إيه على كل الحب ده والدعا، إنتو أحلى حاجة في الدنيا".

وأضافت: "أنا عايز أطمنكم أنا الحمدلله بقيت أحسن، وده بفضل ربنا ودعواتكم، شكرا عشان والله أنا اللي حصل ده رغم أنه كان صعب عليه،  وعلى أهلي جدا، بس عرفني غلاوتي عند كل اللي حواليا وعندكم من قلبي، بحبكم قوي قوي، ده فيديو من مليون فيديو وصور ودها، آسفة لو مش عارفة أنزل كل حاجة بس شكرا أوي أوي، بحبكم”.

خروج ملك زاهر من المستشفى 

وكانت هدى زاهر زوجة الفنان أحمد زاهر قد أعلنت منذ أيام خروج ابنتها من المستشفى.

وقالت هدى زاهر عبر "إنستجرام": "ملك خرجت والحمد والشكر من يومين وفي انتظار تقارير الأطباء عن الحالة بالظبط، هي أحسن وهتكون أحسن ببركة دعائكم ليها ومحبتكم.. إن شاء الله التحاليل الأخيرة تعرفنا إيه السبب اللي عمل فيها كده، وأنا متفائلة بالله جدًا وعارفة أن رب الخير لا يأتي إلا بالخير".

وأضافت زاهر: “الحياة بتستمر والشغل والالتزامات بتستمر رغم كل الظروف وده بسبب واحد إننا مؤمنين بالله وسايبينها على الحي الذي لا يموت.. شكرًا لكل الأصدقاء والفنانين والمحبين والداعمين لأسرتنا ولملك تحديدًا وقريبًا جدًا هنطمنكم عليها بشكل نهائي ونفرح مع بعض برجوعها لحضننا بألف سلامة وعافية، الله خير حافظ وفعلًا دي حقيقة ربنا حماها من حاجات كتير وإحنا أحسن من غيرنا الحمد لله والشكر الله وشكرا لكل من تواصل معانا للاطمئنان علي صحتها".

ملك زاهر تكشف سبب تعرضها لأزمة صحية

بعد وعكتها الصحية.. ملك زاهر تطلب من الجمهور الدعاء لها

واختتمت "هدى زاهر": "ألف حمد الله على سلامتك يا روح قلب أمك وأبوكي وأخواتك، يا أطيب قلب في الدنيا وأظن عرفتي بعد الأزمة الصعبة دي قد إيه الناس بتحبك حبيبتي"، داعية لـ ابن تامر حسني: ”عقبال يارب ما نتطمن على آدم ابن تامر وبسمة ونفرح كلنا وفرحتنا تكبر.. يا رب يشفي كل مريض اللهم أمين".

أزمة ملك زاهر الصحية 

وكانت ملك زاهر منذ أيام، قد كشفت عن تعرضها لأزمة صجية، دخلت على إثرها إلى إحدى المستشفيات.

وكتب ملك زاهر منشور عبر "انستجرام" جاء كالتالي: " نا عمري ما كنت بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار وبتبقي بيني وبين صحابي".

وأضافت: " الفترة الأخيرة بيجي لي كومنتات كلها أنتي عايشة ومبسوطة وإحنا مش عايشين وإيه كل اللي انتي فيه ده.. حبيت أقول لهم إن الحياة مش وردي أنا بقالي 3 أيام تعبانة وعندي حاجة لحد دلوقتي مش فاهمين سببها رغم إني قبلها بنص ساعة كنت زي الفل ومن ساعتها مش عارفة أنزل أو حد يشوفني".