مدفن "توفيق الدقن"

الفنان الكبير المرحوم "توفيق الدقن" مدفون  فين ؟..وليه مافيش رخامة باسمه على المدفن ؟..والمدفن نفسه مكانه فين ..وباسم مين ؟

الحقيقة الأسئلة دى كلها متداولة على السوشيال ميديا من فترة طويلة ولم نكن نفضل الرد عليها ..حتى تم نشر صورة للمدفن  على صفحة الأستاذ محمود نوح mahmoud nouh

وللتوضيح  الفنان الكبير بنفسه..هو  اللى اختار يدفن في المكان ده ...وعدم وجود رخامة على القبر كان قراره قبل الوفاة وكانت وصيته :

ماتكتبوش اسمى على القبر ...أنتم عارفين المكان كويس ..واللى يجى يزورنى منكم يجيب لى معاه "ورده حمرا " يحطها ويقرأ الفاتحة ويمشى بسرعة ..الدنيا مابتقفش على حد ..كل واحد يروح يشوف مصالحه ..الحياة هتستمر ولازم تستمر ... وجمهورى مش لازم يزورنى ..اللى بيحبنى يروح يشوف أعمالي ويدعى لى .

كانت هذه هى الوصية الواضحة الصريحة والتي التزم ابن العم الغالى المستشار ماضى Madi Eldeken ومن خلفه كل العائلة بها حتى اليوم .

المدفن بتاع مين؟ 
المدفن مملوك لجد زوجة لفنان توفيق الدقن  من ناحية  أمها المدفن  
وهي المرحومة فردوس هانم ضيف والدها هو المرحوم محمود بكً ضيف

المدقن فيه أيضا   جدنا المرحوم "ماضي الرخاوى"والد المرحومة  السيدة نوال الرخاوى زوجة الفنان توفيق الدقن وابنة عمته فى الوقت نفسه... نعم هي ابنة عمته .. وشقيقات الفنان الكبير "الله يرحم الجميع"  اختاروها زوجة له ..أولا لانها ابنة عمتهم ..وثانيا عمتهم هذه كانت بمثابة الأم للجميع  ..وثالثا السيدة نوال الرخاوى كانت صديقتهم جميعا .. هذا غير ماتتميز به من طيبة وأخلاق وثقافة .

المدفن موجود فين؟ ..موجود في "ترب الغفير" ..قريب من البيت اللى عاش فيه طول عمره بالعباسية ...ومدفون فيه زوجته ..وشقيقها الكاتب الصحفي الكبير  "حسين الرخاوى " زوج العمة الغالية "فاطمة" شقيقة توفيق الدقن والذى كان مقربا جدا من قلب وعقل الفنان الكبير .

الخلاصة المدفن علاقة النسب بين العائلتين "الدقن والرخاوى" ممتدة من مئات السنين وحتى اليوم ...واتدقم فيه لأن هذه كانت جزء من وصيته ورغبته.