أحمد مرتضى: قلت لهاني شكري امسك لسانك.. ولازم يعتذر لجمهور الأهلي

يرى أحمد مرتضي منصور عضو مجلس إدارة نادي الزمالك السابق أن هاني شكري عضو مجلس إدارة النادي الحالي مطالب بالاعتذار لجماهير الأهلي بعد واقعة الفيديو المسرب له ويتضمن إساءة لجماهير القلعة الحمراء.

وقال أحمد مرتضي، خلال وجوده ضيفا مع عمر ربيع ياسين ببرنامجه مان تو مان عبر صفحته الرسمية: "قلت لهاني شكري لازم تعتذر لجمهور الأهلي.. قعدة الصحاب حاجة وكون إن يكون أمامك كاميرا وأنت مسؤول دي حاجة تانية".

وأضاف أحمد مرتضي: "مش لازم نقطع هاني شكري هو يطلع يعتذر وبشياكة والموضوع ينتهي.. أنا من أنصار نستر على الناس خاصة إن كل شوية تلاقي كاميرا وراك في أي حتة بتسجلك".

وأكمل أحمد مرتضي منصور: "لما تكون مسئول في نادي الزمالك الأمور بتختلف كل تصرفاتك لازم تكون محسوبة عشان إنت بتمثل نادي كبير هو الزمالك وأنا كنت بعمل كدا وبهتم بنفسي وشكلي مع أي ظهور".

أحمد مرتضى منصور: زيزو لعيب جامد وهيفرق مع الأهلي 

ويرى أحمد مرتضي منصور أن أحمد مصطفى زيزو الوافد الجديد للنادي الأهلي لاعب كبير سيكون إضافة كبيرة للمارد الأحمر.

وأردف: "قبل رحيلي عن الزمالك بيومين تلقيت عرضا من الشباب السعودي للحصول علي خدمات زيزو مقابل 6 ملايين دولار وكنت في مرحلة التفاوض لزيادة المبلغ ولكن جاء الرحيل لينهي كل شىء".

وأكمل: “زيزو لعيب كبير وجامد وهيفرق مع الأهلي.. أنا معنديش العقدة النفسية أي لاعب عايز يروح الأهلي يجيب عرض ويمشي”.

وأتم: "زيزو هيفرق مع الأهلي عشان الأهلي معندوش نجم.. الفريق هو النجم بعكس الزمالك في ميمي وسوسو والجمهور بيدلل النجوم".