"أبكى والدها".. هند سعيد صالح تكشف موقفًا إنسانيًا مع سامح عبد العزيز

المخرج سامح عبدالعزيز
فاطمة سليمان
شاركت الفنانة والمونتيرة هند سعيد صالح، ابنة الفنان الراحل سعيد صالح، متابعيها تجربة إنسانية مؤثرة مع المخرج الراحل سامح عبدالعزيز أثناء عملها معه كمونتير مساعد في فيلم “الفرح”، مشيرة إلى أنه كان داعمًا حقيقيًا لها.
موقف إنساني مع سامح عبد العزيز
وكتبت هند صالح منشورًا عبر حسابها على موقع “فيسبوك” قالت فيه نصًا: “سامح عبد العزيز دخل عليا مرة المونتاچ فى فيلم الفرح كنت مونتير مساعد لصديقى المونتير عمرو عاصم”.
وتابعت صالح: “قاعدة مركزة وبشتغل وأنا لما بشتغل بتركيز بتخض لما حد يعطس جنبى فتح باب وحدة المونتاچ فتحة مخبرين وقالى: يا سلطانة (هو كان مسمينى كدة عشان الكليب الشرقى الشهير اللى عملته) مدام إسعاد جاية تتفرج النهارده على الفيلم عشان التوزيع قولتله جاهزين يا أستاذ لا تقلق كله تحت السيطرة و مجهزالها التايم لاين قالى لا تايم لاين إيه؟ أنا عايزها تتفرج لحد قبل ما زينهم (خالد الصاوى) يقول ياريتنى ما كنت سمعت كلامكم”.
واستكملت هند صالح: “قولتله حاضر بس ليه الساسبنس ده؟ قالى مش عارف أهى فكرة و جاتلى وهانقفل عند الآية القرآنية وخليها تتفاجئ بالنهاية الحقيقية فى العرض الخاص وقفلت عند الجزء اللى طلبه وشيلت النهاية الحقيقية فى تايم لاين تانى لحد ما الضيوف يمشوا.. كان كل شوية يقلد بابا فى مشهد (بركة السبع جت؟) ويفتح عليا باب الوحدة و يقولى: مدام إسعاد جت؟ ومدام إسعاد يونس جت واتفرجت وعجبها الفيلم وقالت فيه أشعار وهو واقف من وراها عمال يغمزلى ويضحك”.
مفاجأة في فيلم الفرح
وأضافت: "لما الناس مشيت قالى عندى ليكى مفاجأة قولتله خير؟ قالي في العرض الخاص هاتعرفيها، اكتشفت إنه كان كاتب اسمى فى لوحة لوحدي فى تتر البداية تقديرًا لمجهودي لأن الفيلم فعلًا كان تركيبه صعب، طبعًا فرحتي كانت أكبر من أي فرحة لأن بابا وهو بيشوف اسم بنته فى العرض الخاص لفيلم مهم زي ده كانت كبيرة لدرجة البكاء ده غير لإنه فى 2009 مكانش فيه مساعدين بيتكتبوا فى تتر البداية واللى فى الوسط هايفهم قصدي".

واختتمت هند سعيد صالح منشورها: "دي حاجة بسيطة أوي من مواقف وقف فيها سامح عبد العزيز معايا من غير ما أطلب، شكرًا يا سامح.. ربنا يرحمك و يغفرلك ويجعل الليلة أجمل لياليك ويرزقك الجنة".
وفاة المخرج سامح عبدالعزيز
قبل وفاة المخرج سامح عبدالعزيز، دخل في غيبوبة منذ يوم الجمعة الماضي، حيث تأثر ضغط الدم والرئة بسبب الفيروس الذي عانى منه في أيامه الأخيرة نتيجة ارتفاع نسبة السكر، وظل هكذا حتى وافته المنية صباح اليوم.

الأكثر قراءة
-
السر في الشواية.. حريق ضخم بجوار مبنى البنك المركزي بالإسكندرية
-
مشاهدة الحلقة 10 والأخيرة من مسلسل مملكة الحرير
-
تجدد اشتعال النيران في سنترال رمسيس والدفع بسيارات إطفاء (صور)
-
تسريب امتحان الأحياء للثانوية العامة بـ150 جنيها.. "التعليم" ترد
-
"معجنة على الأوسطي".. تريلا تدهس ميكروباص وسيارات بالطريق (صور)
-
رفض استئناف نجل محمد رمضان وتأييد إيداعه دار رعاية
-
السعودية تسمح للمصريين بتملك عقارات في مكة والمدينة.. اعرف الشروط
-
لماذا أيدت المحكمة إيداع نجل محمد رمضان دار رعاية رغم التصالح؟

أخبار ذات صلة
تصل إلى 150 ألف جنيه.. تذاكر حفل عمرو دياب في العلمين 2025
10 يوليو 2025 09:45 م
صبري فواز يكشف موقفا إنسانيا في حياة الراحل سامح عبدالعزيز
10 يوليو 2025 08:13 م
على كرسي متحرك.. بسمة وهبة تعزي أسرة سامح عبد العزيز بالمستشفى
10 يوليو 2025 05:34 م
انهيار روبي في جنازة طليقها سامح عبدالعزيز
10 يوليو 2025 06:09 م
أكثر الكلمات انتشاراً