أشرف زكي: "لو عايز تجيب بلوجر في عمل ادفع غرامة مليون جنيه"

شن نقيب المهن التمثيلية، الدكتور أشرف زكي، هجومًا قويًا على ظاهرة استعانة بعض المنتجين بمشاهير منصات التواصل الاجتماعي مثل "تيك توك" و"البلوجر" في الأعمال الفنية، واعتبر ذلك تهديدًا مباشرًا لقيمة ومكانة الفن المصري الأصيل.

أنا مش عامل القرار عشان أعمل عليه استفتاء

وخلال استضافته في برنامج سؤال مباشر على "قناة العربية"، أكد زكي رفضه القاطع لهذه الظاهرة وقال: “أنا مش عامل القرار عشان أعمل عليه استفتاء، رحبوا أو لأ.. مش فارق معايا”.

مش هنسيب المهنة لناس طالعين من التيك توك

وأضاف بنبرة حادة: "إحنا درسنا وتعبنا وادينا عمرنا للمهنة، مش هنسيبها لناس طالعين من التيك توك، أنا بدافع عن المهنة.. مش هخليها مهنة من لا مهنة له، مصر هوليوود الشرق، ومش هنفرط فيها".

ادفع غرامة مليون جنيه

وأكد نقيب الممثلين على ضرورة الحفاظ على هوية الفن المصري، مضيفًا:“لو عايز تجيب بلوجر أو تيك توكر في عمل؟ ادفع غرامة مليون جنيه، إحنا مصر أم كلثوم وعبدالحليم، مصر فاتن حمامة وعادل إمام وأحمد زكي.. مش أي حد يصور فيديوهات يبقى ممثل”.

انتقادات حول سوزي ومونلي

وفي سياق متصل، تداول رواد مواقع التواصل الاجتماعي، مقاطع وصورًا من العرض الخاص لفيلم “الشاطر” بطولة أمير كرارة وهنا الزاهد، ولكن ركزت عدسات الكاميرات فيها على سوزي ومونلي، متجاهلين بعض الفنانين الذين تسارعوا لالتقاط صور وعمل مقاطع فيديو تيك توك معهما، وهو ما أثار استياء البعض واندهاشهم.

حاسة إن قدامي نجمة سينما

وعلقت الفنانة منة جلال على ذلك عبر صفحتها الشخصية بموقع “فيسبوك”، وكتبت: "الموضة الجديدة أجيب بلوجر كتير في العروض الخاصة عشان أعمل دعاية للفيلم، بس دي سوزي أنا حاسة إن قدامي نجمة سينما، الإكسبلور كله سوزي.. سابوا الفيلم وركزوا فيها وفي صاحبها".

مين سوزي عشان يتعمل معاها لقاء؟

وكتب الكاتب خالد شاهين عبر صفحته بموقع “فيسبوك”: “بعض المراسلين والصحفيين لقتهم بيعملوا لقاءات مع سوزي الأردنية.. نفسي أعرف هيسألوها في إيه؟ ومين سوزي عشان يتعمل معاها لقاء؟ رغم إنها مش مشاركة في الفيلم، وهي مجرد ضيفة جاية تتفرج وخلاص”.