"كان طيب والكل بيحبه".. والد عبدالرحمن ضحية كشك المهندسين: عاوز حق ابني (فيديو)

شهدت منطقة المهندسين بالجيزة، واقعة مأساوية تقشعر لها الأبدان عندما أقدم أحد الأشخاص على إنهاء حياة الطفل عبدالرحمن صاحب الـ12 عاما، داخل كشك.

ملحقش يدخل إعدادي 

وقال والد المجني عليه، في بث مباشر مع "تليجراف مصر"، إن نجله يبلغ من العمر 12 عامًا وأتم الشهادة الابتدائية، لكنه لم يتمكن من الالتحاق بالإعدادية، ويعمل رفقته بكشك، وكانت نهايته على يد شخص لم يعرف شيئا عن الإنسانية، ويعمل في محل كوافير قرب محلهم.

كان بيلعب كاراتيه 

وأضاف والد عبدالرحمن، أن نجله كان يمارس رياضة الكاراتيه وحصل على الحزام الأخضر والحزام الأصفر، ومحبوبًا من الجميع في المنطقة المقيمين بها رغم سكنه في المكان من 4 أشهر فقط، وفي وقت وقوع الجريمة كان غارقًا في نومه داخل شقته خلف الكشك، وحضر زملاء عبدالرحمن وأخبروه أن أحد الأشخاص يعتدي على نجله بالضرب.

وأكمل والد المجني عليه: “جريت على كشك ولقيت ابني غرقان في دمـه، روحت أمسك الراجل بس لقيت الشرطة مسكته، ولما رجعت لابني لقيته طلع الروح خلاص، أنا لغاية دلوقتي فاكر نفسي بحلم ومش مصدق إن ابني مـات”.

أنا عاوز حق ابني بالقصاص 

وأختتم والد عبدالرحمن حديثه لـ"تليجراف مصر" قائلًا: “والدته في المستشفى لغاية دلوقتي من ساعة ما سمعت الخبر، وأنا عاوز حق ابني زي ما دفنته بإيدي يبقى اللي قـتـله يتـعدم”.

كان أخويا الصغير مش ابن عمي 

وقال نجل عم عبدالرحمن، إنه كان يعتبره شقيقه الأصغر، وكانوا يعملون في الكشك، ومن شدة حب الأهالي له كانوا يطلبونه لتوصيل طلباتهم، وفي يوم الواقعة تناولوا الطعام داخل المحل، ودخل أحد الأشخاص فقام عبدالرحمن ليلبي طلباته.

اتقتل قدامي عيني 

وأضاف نجل عم الضحية: “فجأة شوفت المتهم بيضرب عبدالرحمن وبيطعن فيه بسلاح أبيض، وبعد ما طعنه نهره، شوفت أخويا وهو بيتقتل قدام عيني وملحقتش أعمل حاجة، عبدالرحمن كان طيب وبيحب الناس كلها، كان بيلم العيال الصغيرة ويأكلهم ويشربهم، والمتهم ده عمرنا ما شوفناه قبل كده ولا نعرفه، والناس بتقول إنه شغال في كوافير في المنطقة، أنا عاوز حق أخويا زي ما شوفته بيتقتل قدامي يبقى اللي قتله يتعدم”.