شهاب جديد.. فحص فيديو اعتداء سائق توك توك على قائد سيارة بأكتوبر

تفحص الأجهزة الأمنية بوزارة الداخلية، مقطع فيديو يظهر خلاله سائق توك توك يسير عكس الاتجاه بمنطقة أكتوبر قبل أن يوجه السباب لقائد سيارة ملاكي حاول منعه للوقوف على ملابسات الواقعة، واتخاذ الإجراءات القانونية اللازمة حيالها.

اعتــداء سائق توك توك على سائق سيارة ملاكي بأكتوبر 

انتشر مقطع فيديو بمواقع التواصل الاجتماعي، يظهر خلاله قيام سائق توك توك بالسير عكس الاتجاه بمدينة 6 أكتوبر، وتعــديه على سائق سيارة ملاكي، ويظهر في الفيديو، المتهم يسير عكس الاتجاه وعندما حاول قائد سيارة ملاكي منعه اعتـدى عليه بالسب والشتم واستكمل السير  المخالف.

الداخلية تفحص الفيديو 

ورصدت الأجهزة الأمنية بوزارة الداخلية، مقطع الفيديو المتداول وبدأت في إجراء تحريات مكثفة حول الواقعة لكشف تفاصيلها والوقوف على ملابساتها، واتخاذ كافة الإجراءات القانونية اللازمة حيال القائم على ارتكابها.

شهاب بتاع أرض الجمعية

يذكر ان واقعة مماثلة  شهيرة معروفة إعلاميا ب"شهاب أرض الجمعية "  حدثت منذ شهر بمنطقة منشأة ناصر وفيه تعدي سائق توك توك على قائد سيارة ملاكي وتم الحكم عليه بالسجن لمدة عامين.

والد الطفل شهاب

من جانبه، قال والد شهاب لـ"تليجراف مصر" إن نجله عمره 15 عامًا وكان يدرس في مدرسة محمد نجيب، وترك التعليم ليعمل سائق على توكتوك ويساعد والده في مصاريف المنزل.

وتابع: “مش هو ده ابني اللي ظهر في الفيديو، ابني شهاب عمره ما غلط في حد ولا دي تربيته، وعمره ما عمل كده مع حد، واللي خلاه يوصل لكده أكيد صاحب العربية (يقصد محمد عبد الجواد) اللي بدأ بالغلط، أنا مش بقول إنه مش غلطان، لأ هو غلطان طبعًا بس الغلط الأساسي من الراجل التاني”.

وأضاف والد شهاب، “كنت قاعد مع واحد صاحبي الساعة 1 بالليل وقال لي الحق ابنك متصور فيديو ونازل على النت وهو بيغلط في واحد، وفوجئت بعدها بناس صحاب شهاب بيقولوا لي الحق ابنك أخدته الحكومة على القسم، ورحت على القسم بسرعة علشان أشوف اللي حصل، وأنا متأكد أن صاحب العربية هو اللي استفز ابني وخلاه يعمل كده، لأن أنا لو مكان الراجل وحد خبط عربيتي أكيد هيكون ردي وحش، وده اللي عمله صاحب العربية”.

وأكمل والد شهاب، “أنا بوجه رساله لصاحب العربية بقول له حرام عليك أنت مش بس ظلمت عيل، لأ أنت قضيت على مستقبله خالص، هو حقه إنه يزعل على عربيته، ويزعل كمان على الغلط بتاع شهاب، بس أنت كده دمرت ابني خالص، وأحب أقوله أنت مشكور إنك اتنازلت لابني في النيابة، لأني سمعت من الناس إنك اتنازلت”.

وواصل “الناس بتقول إن القضية بقيت رأي عام، وأن شهاب بلطجي، حرام عليكم ليه عاوزين تضيعوا ابني، وبطلب من صاحب العربية ينشر الورق اللي بيثبت إنه اتنازل لابني، ولو عاوز يصلح عربيته أنا أصلحها له بإيدي، أنا أصلا سمكري سيارات”.

واختتم والد شهاب حديثه لـ"تليجراف مصر" بقوله: “هي الناس هتستفيد إيه من حبسته، دا بيساعدني في مصاريف البيت وبيصرف معايا على أخواته، وبعدين هو لو اتحبس هيطلع إيه من جوه، وذنبه إيه عيل زي دا يتدمر ويتحبس بالشكل ده، وبطلب من الناس كلها تقف جنبي، ويعرفوا حقيقة شهاب”.