“كنا بنقدم في الشرطة”.. أقوال المتهم عبدالرحمن بحادث فتيات الواحات (خاص)

جانب من حادث فتيات طريق الواحات

A . .A

حصلت “تليجراف مصر” على نص أقوال المتهم “عبدالرحمن.ج”، الطالب بكلية الاقتصاد والعلوم السياسية، في واقعة التسبب في حادث فتيات طريق الواحات.

وجاءت نص التحقيقات كالتالي:

س: ما قولك فيما هو منسوب إليك من أنك منهم بالاشتراك مع آخرين معلومين بالتعرض للمجني عليهما كلًا من رنا إبراهيم فوزي عطيه ونزال يوسف أحمد زكريا وكان ذلك بالطريق العام بأن بينتم أمورًا وإیحائات وتلمیحات جنسية، وذلك حال كونكم 4 أشخاص وقمتم بتكرار تلك الأفعال من خلال ملاحقة وتتبع المجني عليهما؟

ج. محصلش

س: ما قولك فيما هو منسوب اليك من أنك متهم بالاشتراك مع آخرين معلومين بالتسبب خطأ في إصابة المجني عليهما سالفي البيان بأن قمت والمتهمين الآخرين مستخدمين السيارات المضبوطة بمضايقة المجنى عليهم والتسبب في اصطدامهما بسيارة نقل مما أحدث بهم الإصابات المثبتة بالتقارير الطبية المرفقة بالأوراق وترتب على ذلك إصابة 3 أشخاص وأمتنعتم عن تقديم المساعدة؟

ج. محصلش

س: ما قولك فيما هو منسوب إليك من أنك متهم بالاشتراك مع آخرين معلومين بالتسبب في إتلاف السيارة المملوكة للمجني عليها رنا إبراهيم فوزي عطيه؟

ج. محصلش

س: ما الذي حدث إذا.. وما هي ظروف ضبطك وعرضك علينا؟

ج. اللي حصل إن أنا كنت نازل مع مازن، وكنا متفقين إن أننا نروح يوم الأربع ندفع فلوس كلية الشرطة وروحنا الصبح على بنزينة اللي في طريق المحور، وقولنا نقعد هناك شويه نشرب قهوة وبعدها نتحرك، ولما دخلنا البنزينة الدنيا كانت زحمة أوي ومكنش في مكان نركن فيه، فا راح مازن قافل بعربيته على عربية من العربيات، وقال للناس هناك إن لو حد حب يطلع العربية بتاعتوا هو قاعد في “…”.

وبعدين قعدنا، ومقعدناش غير 5 دقايق في حد جه من الشباب اللي كانت واقفة وقال إن هو عايز يطلع من الركنة، ساعتها مازن قال خلاص إحنا نتحرك للبيت وأجیب فلوسي وبعدين نروح كلية الشرطة عشان ندفع الفلوس، فطلعنا ركبنا العربية وبعدها طلعنا الطريق على بيت مازن، وخدنا طريق الواحات، وكان في عربية “…” وعربیة “…” و عربیه “…”، ماشيين جنبنا، وكانت كل شوية العربية “..” عمالة ترمي علينا فحبينا نطلع منها.

وكان في عربية نقل واقفة، لكن مازن صاحبي طلع منها وسمعنا بعدها صوت عربية بتخبط في العربية النقل وبعدها مشينا روحنا على البيت عشان ناخد الفلوس بتاعت كلية الشرطة، وقعدنا شويه وبعدها دفعنا الفلوس وعلى الساعة 11 بالليل في واحد کلم قريب مازن وقالوا إن هو معاون مباحث قسم ثالث، وإن هو عايز مازن فأنا روحت معاه عادي وبعدها طلب العربية بتاعت مازن فرجعنا جبناها وروحنا على القسم، وهناك لاقيتهم بيسألوا مازن بيقولوا مين كان معاك فقالهم عبدالرحمن راحوا خدوني وخلوني في القسم وجيت النيابة النهارده وبس دا كل اللي حصل.

س: متی وأین دارت أحداث تلك الواقعة؟

ج. الكلام دا حصل إمبارح الصبح على الساعة 9 في طريق الواحات.

س: ومن كان برفقتك حينها؟

ج. كان معايا مازن صاحبي

س: ما هي كانت مناسبة تواجدك بالمكان والزمان سالفي الذكر؟

ج. كنت مقابل مازن عشان ندفع فلوس کلیة الشرطة

س: وما هي صلتك بالمتهم / مازن ناجي حسين السيد؟

ج. دا صاحبي من زمان

س: وما هي صلتك بباقي المتهمين المضبوطين؟

ج. معرفش عنهم تحديدًا

س: ما هي صلتك بالمجني عليهم؟

ج: معرفش حد منهم

س: ما هي المدة التي بقيتم جالسين بالحانوت الكائن بمحطة الوقود؟

ج. إحنا قعدنا خمس دقايق تقريبًا

س: وما هي كانت علة انصرافكم من ذلك المكان؟

ج. عشان كنا قولنا هنروح بيت مازن ناخد الفلوس وندفع مصاريف کلیة الشرطة

س: أيا من السيارات المضبوطة كنتم تقتادوها ؟

ج: العربية …….

س: وملك من تلك السيارة؟

ج. بتاعت والد مازن

س: ما هو الطريق الذي قمتم بسلوكه؟

ج. إحنا مشينا على طريق الواحات عشان أروح بيت مازن عشان هو ساكن في المستثمر الصغير

وما هي كانت حالة الطريق من حيث الزحام؟

ج. لا مكنش في عربيات كثير

س: هل السيارة الظاهرة بالمقطع ماركة … فضية اللون هي التي كنتم اقتادوها؟

ج. أيوة

س: وما هي صلتك بباقي الأشخاص مستقلي السيارات المجاورة لكم؟

ج. معرفش حد منهم

س: ما هي علة سيرك والمتهم مازن بجوار تلك السيارات؟

ج. اللي أنا أتذكره إن مكناش ماشيين جمبيهم بس كان في إصلاحات في الطريق وفي مطبات

س: يظهر بمقطع الفيديو إضاءة المصابيح الخلفية للسيارة قيادة المجني عليهم مما يثبت قيام قائدتها باستخدام المكابح وفي ذلك الحين تظهر السيارة قيادة المتهم مازن ومحل القيادة وهي مصابيحها الخلفية تضيء بالتزامن مع انخفاض سرعة سياري المجني عليهما وقمتم بتكرار ذلك الفعل أكثر من مرة، فما هي علة ذلك؟

ج. عشان الطريق قدام كان في مطبات وإجباري علينا نهدي السرعة

س: وما تعليلك لما ثبت بالمقطع السالف عرضه عليك من قيام المتهم مازن قائد السيارة مارکة.. بالسير أمام السياره قيادة المجني عليهم وتهدئة السرعة عمدًا في حين ثبت بالمقطع خلو الطريق من ثمة تكدس مروري؟

ج. أنا مكنتش واخد بالي من الحاجة دي ممكن يكون كمان عنده علم أكثر

صف لنا تحليلًا كيفية وقوع الحادث؟

ج. الحادث حصل بسبب إن لما إحنا طلعنا على الطريق ومسكنا طريق الواحات كان في كذا عربية جمبينا وكان في عربيه منهم بترمي علينا وإحنا طلعنا من العربية وبعدين كان في عربية نقل واقفة على جنب الطريق في العربية السوده خبطت فيها

س: وما هو التصرف الذي بدر منك ومن المتهم مازن عقب وقوع الحادث؟

ج. إحنا معملنش حاجة إحنا كملنا وروحنا على البيت عند مازن واللي مسكني هو الظابط اللي طلب من مازن يجبلوا العربية اللي كانت ظاهرة في الفيديو ويروحلوا على القسم وأنا روحت مع مازن وهناك لما سألوه مين اللي كان معاه قالهم إن أنا كنت معاه وخلوني في القسم