"عايزين يطلعوا ترند".. أقوال المتهم الثالث بقضية "فتيات الواحات"

حصلت “تليجراف مصر”، على أقوال المتهم الثالث "مازن. ن"، المتهم بالتسبب في حادث طريق الواحات المعروف إعلاميا بـ"حادث فتيات طريق الواحات".

حادث طريق الواحات

وأدلى المتهم الثالث باعترافات أمام جهات التحقيقات والتي جاءت كالآتي:

س: ما قولك فيما هو منسوب أليك بالتسبب في حادث طريق الواحات؟

 
ج محصلش.

س: ما تفصيلات حدوث الواقعة محل التحقيق؟

ج: اللي حصل  إني كنت مع واحد صاحبي روحنا نشرب حاجة في سيركل كيه بس أول ما وصنا القعدة معجبناش وطلعنا بعربياتنا وفعلا مكملناش دقيقتين بالظبط واتحركت وكذا واحد من الشباب مشيوا وأنا مشيت وكنت مروح رايح بيتي في حدائق أكتوبر  وشفت الحادث.

س: وما هي حالة الطريق حينها من حيث المارة؟

ج: عادي الطريق كان فاضي والدنيا كانت عادية.

س: هل دار بينك وبين أي من المجني عليهن أي حوار ؟

ج: لا خالص مكلمتش حد منهم.

م وما هي وجهتك أثناء السير تحديدًا وموقعك بالنسبة للسيارة قيادة المجني عليهن؟

ج: أنا كنت ماشي أقصى الشمال وهما في الحارة في النص وكنت بحاول أدخل يمين علشان الطريق كان فيه إصلاحات وكله بس هما تقريبا مكنوش مركزين معايا ومعرفتش أدخل منهم وكانوا زي قافلين عليا فروحت مهدي.

م وما هي المسافة التي كانت تفصل بينكما حينها؟

ج كنا قريبين من بعض مفيش مترين ثلاثة بس أنا سيبتهم ومشيت.

س: ما قولك فيما شهدت به كلا من المجني عليهن بالتحقيقات؟

ج: الكلام ده مش حقيقي ومحصلش.

س: وما تعليلك لذكرهم ذلك بالتحقيقات؟

ج : معرفش بيقولوا كده ليه يمكن علشان طلعوا تريند وعايزين يتشهروا.