محمود سعد يكشف تفاصيل مثيرة عن سبب مشاركته في فيلم "درويش"

كشف الإعلامي محمود سعد، تفاصيل دخوله إلى مجال التمثيل، بعد مشاركته في فيلم “درويش”، بطولة الفنان عمرو يوسف.

وقال محمود سعد، خلال فيديو نشره عبر حسابه الرسمي على منصة "فيسبوك"،" كلمني وليد الحلفاوي بعد رحيل والده نبيل الحلفاوي، وقال لي بابا كان هيكلمك، لأن أنت اللي في السيناريو، وأنت في برنامج البيت بيتك سنة 2005.. وكلمني في نص رمضان وطلب مني بدلة ليا سنة 2005، ووليد قال لي فيه صبغة مؤقتة للشعر".

وعن اعتذاره عن مسلسل “كامل العدد” قال: "كان خالد الحلفاوي كلمني عشان أعمل دور في مسلسل كامل العدد، وقُلت له أنا ماليش في التمثيل، قرأت أول حلقتين ولقيت نفسي فيهما، رحت قافل باقي الحلقات، وقُلت له ارحمني أنا مش هقدر خالص، والحمد لله، لأن المسلسل بقى 3 سنين، ودوري كان دور أحمد كمال، اللي هو ممثل ممتاز، كنت إزاي هعرف أعمل كده".

وعن دخوله مجال التمثيل قال: "أنا بعمل كده تسالي، لكن معنديش الموهبة، وما بعرفش أقول كلام غيري.. الكلام اللي كتبوه ليا قُلت لوليد الحلفاوي، إني مش هعرف أقوله، قُلت له فريد شوقي كان يقرأ الكلام ويقول معناه، وأنا هعمل كده".

أبطال فيلم “درويش”

يشارك في بطولة "درويش" إلى جانب عمرو يوسف، كل من دينا الشربيني، محمد شاهين، تارا عماد، مصطفى غريب، أحمد عبدالوهاب، خالد كمال، وإسلام حافظ.

الفيلم من تأليف وسام صبري، إخراج وليد الحلفاوي، ومن إنتاج محمد حفظي وممدوح السبع، بالتعاون مع شركة "فوكس" للإنتاج والتوزيع.