واجه الموت لينقذ شابًا.. ماذا قال بطل مزلقان بني سويف؟

عاش أهالي محافظة بني سويف أمس، لحظات من الرعب على قضبان السكة الحديد كانت نهايتها قصة بطلها "طارق" عامل مزلقان كوبري السادات بمدينة بني سويف، الذي واجه الموت بجرأة ليمنح شابًا حياة جديدة كانت على وشك أن تُنتزع تحت عجلات قطار مُسرع.

بطل مزلقان بنى سويف 

المشهد بدأ عند دقات جرس الإنذار إيذانًا بمرور أحد القطارات، حيث اندفع أحد الشباب لعبور القضبان متجاهلًا صافرات التحذير، لولا تدخل عامل المزلقان.

لم يتردد طارق لحظة واحدة، واندفع بقوة ليجذب الشاب بعيدًا عن القضبان، والقطار على بُعد ثوانٍ معدودة، وسط صيحات المارة: "ربنا يسترها عليك يا عم طارق".

عم طارق

والتقت “تليجراف مصر” طارق عامل السكة الحديد في بني سويف ومنقذ الشاب ليكشف تفاصيل 56 ثانية من الرعب: "كنت هزعل أوي لو القطار دهس الشاب، أنا معملتش حاجة بالعكس ده واجبي وشغلي اللي المفروض أعمله على أكمل وجه، ودي تعليمات واخدينها من رؤسائنا وأنا بعمل بيها.. ربنا يحفظ شبابنا".

وأضاف في حديثه: "إحنا بنقف على المزلقان بالتناوب أنا وزمايلي، وبنتعامل مع كل قطار بيعدي كأنه موقف خطير، عشان أي تهاون ممكن يضيع روح وشغلانتنا يمكن الناس شايفاها بسيطة، بس هي في الحقيقة أمان للناس كلها".

واختتم قائلًا: "أنا مش شايف اللي عملته بطولة، ده واجب لازم أعمله، اللي يهمني إن الناس كلها تاخد بالها وما تستهونش بالمزلقان، لأنه مش لعبة ولا مغامرة.. ده موت محقق".