إلهام شاهين عن تدريس مسيرتها الفنية: "مش ممكن أقول حاجة عبيطة زي كده"

كشفت الفنانة إلهام شاهين عن صحة ما تردد بشأن مطالبتها بتدريس مسيرتها الفنية في المناهج التعليمية، مؤكدة أن الشائعة "غير صحيحة".

وقالت إلهام شاهين، خلال مداخلة هاتفية مع الإعلامية نهال طايل في برنامج "تفاصيل" على قناة "صدى البلد 2": "شائعة غير صحيحة، ودي تفاهة وهيافة من الناس اللي بتكتب واللي بتصدق، اللي قال عني الكلام ده ينزل الفيديو اللي قولت فيه كده، أنا بستغرب من اللي عمل كده وهو شخص مستفز، واللي عملوا كده لجان سوشيال ميديا، واللي بيعلق مصدق ليه؟ هل سمعتيني قولت كده؟ ده كلام تافه، وأنا من العقل والذكاء إنّي مش ممكن أقول حاجة عبيطة زي كده".

لا أخشى الموت

وفي ردها على تعليق متابع تمنى لها الموت عبر صفحتها الرسمية على فيسبوك، قالت "شاهين" إن الموت لا يزعجها ولا تخشاه: "أنا كاتمة على نفسه ولما ييجي ميعادي هموت، معرفش أنا تعباه في إيه، والشخص اللي كتب ده لا يعرفني ولا أعرفه، لما يتمنى الموت لحد ميعرفوش يبقى مريض نفسيًا، لأنه أكيد مفيش أذى مني ليه شخصيًا".

أحدث أعمال إلهام شاهين

يذكر أن أحدث أعمال الفنانة كان مسلسل “سيد الناس” الذي عُرض في موسم رمضان 2025.

أحداث مسلسل "سيد الناس"

تدور أحداث المسلسل حول شخصية الجارحي أبو العباس، الذي يتوفى والده ويترك له ثروة طائلة وعالمًا مليئًا بالأسرار والخفايا، ما يسبب له العديد من المشكلات والتحديات.