المتهم في "مذبحة حدائق المعادي": قتلت أمي "ووشي في وشها" | انفراد

تستكمل “تليجراف مصر” نشر أقوال "أحمد م" (مهندس) أمام النيابة، في اتهامه بقتل والديه وشقيقه وصديق شقيقه، داخل منزلهم الكائن بمنطقة حدائق المعادي التابعة لدائرة قسم شرطة دار السلام، بسبب الميراث، الواقعة التي ظلت 9 أيام غامضة حتى تم إكتشافها من قبل كاميرات المراقبة، وقررت جهات التحقيق بمحكمة المعادي، تجديد حبسه لمدة 45 يومًا على ذمة التحقيقات.

خلصت عليهم في 4 دقائق 

س: ما الذي حدث في يوم الواقعة؟
ج: انا كنت قاعد في بيتي ساعتها، لقيت ابويا طالع بيخبط عليا وانا قمت فتحت له باب شقتي.
س: ما هي أوصاف العقار محل سكنكم تحديداً؟
ج: هو احنا بيت متكون من عدد ثلاث طواب ودور أرضي وسطح كمان وكل دور متقسم لشقة وانا ساكن في الدور الثالث ني شقتي وابويا وامي في الدور الثاني واخويا هيثم في الدور الأول.
س وملك من ذلك العقار؟
ج: هو بتاع أبويا

بس انا كتبته بأسمي من وراهم وهو ده سبب المشاكل كلها.
س: وما هي الحالة التي كان عليها؟
ج: كان طالع ومعاه بندقية آلية.
س:وبما تحدث معك؟
ج:هو شتمني وشد أجزاء السلاح وهوشني في وشي ولما سمع صوت ماما نزل.
س: وما هو واقع ذلك عليك؟
ج:هو انا اتعصبت وعرفت ان هو خلاص المصيبة جت وأنا لازم أخلص وقررت اقتله.
س: وما هو مخططك لذلك؟
ج: انا مخططش انا جبت الطبنجة بتاعتي و وطلعت وراه .
س وما هي أوصاف سلاحك الناري؟
ج هو طبنجة 9 ملي.
س: وملك من؟
ج: بتاعت أبويا أصلاً ، وانا واخدها من زمان شايلها معايا.
س: وأين تضعها بمسكنك؟
ج انا بخليها تحت المخدة.
س : لم؟

ج: عشان انا كنت حاسس إن في مصيبة هتحصل.
س: وما الذي بدر منك؟
ج: انا طلعت عليه وهو كان نزل على السلم وانا لما طلعت ضربته طلقة من الطبنجة في ظهرة وهو وقع.

س: وما هي وجهتك قبله في وقت اطلاق العيار النار ؟ 
ج انا كنت واقف عند الباب وهو كان نازل على السلم ومديني ظهرة.
س: الم ينمو في نفسك الوقف عن ازهاق روح والدك ؟ ج: لا انا خلاص كده كده كنت هموته 
س: أما شعرت بالخجل من قتلك لأبيك؟
ج: لا.
س: وما الذي استرع انتباهك عقب ذلك؟
ج: انا ساعتها امي سمعت صوت الطلقة وطلعتلي فوق جري على الشقة.
س: ما هي الحالة التي كانت عليها؟
كانت لابسة بنطلون وتي شيرت لونهم أخضر وكانت مصدومة من اللي شافته وبابا واقع على الأرض وانا خوفت منها لاتفضح.
س : وعلام قررت بشأن ذلك؟
ج: انا بعدها لما شوفتها روحت ضربها طلقتين بالمسدس هي كمان وموتها.
س: وما هي وجهتك قبلها آنذاك؟
ج: انا كنت واقف على باب وهي وشها طالع على السلم في أول طلقة وكان وشي في وشها وبعدها واحدة تانية لما لفت وبقى ظهرها في وشي.

س : ما الذي كان يبادر ذهنك في ذلك الوقت؟
ج: انا كنت هموت أي حد موجود ومش هسيب فلوس ليهم.

س:كم من المدة استغرقتها في إزهاق والدك ووالدتك؟

ج: خلصت عليهم في 4 دقائق ونقلتهم في 10 دقائق.